🚨 भुसावळ दुष्काळ अनुदानात मोठा घोटाळ्याचा संशय! तहसीलदार व कर्मचाऱ्यांवर शासनाची फसवणूक केल्याचा आरोप

SARDAR NETWORK 24×7 – DAINIK LATEST NEWS (सच आपकी जुबानी) भुसावळ तालुका प्रतिनिधी : ✍️ इम्रान खान

भुसावळ तालुक्यात सन 2022–23 मधील दुष्काळासाठी मंजूर झालेले अनुदान 2024–25 मध्ये वितरीत करण्यात आले, मात्र या अनुदान वाटपात गंभीर अनियमितता व शासनाची फसवणूक झाल्याचा आरोप समोर आला असून, प्रकरणाला आता वेगळीच कलाटणी मिळाली आहे.

या संपूर्ण प्रकरणात तहसीलदार निता लबडे व संबंधित कर्मचाऱ्यांनी अनुदान वाटप करताना गैरप्रकार केल्याचा आरोप सामाजिक व माहिती अधिकार कार्यकर्ते केदारनाथ सानप यांनी केला आहे. याबाबत त्यांनी दि. 4/11/2025 रोजी जिल्हाधिकारी रोहन घुगे यांच्याकडे लेखी तक्रार अर्ज सादर केला होता.

या तक्रारीची दखल घेत चौकशीचे आदेश देण्यात आले होते. मात्र, इतका कालावधी उलटूनही प्रत्यक्ष कोणतीही ठोस कार्यवाही न झाल्याने प्रशासनाच्या भूमिकेवर प्रश्नचिन्ह निर्माण झाले आहे.

📌 आमरण उपोषणाच्या इशाऱ्यानंतर यादी सादर — त्यातूनच उघडकीस आले गंभीर प्रकार

कारवाई होत नसल्याने संतप्त झालेले केदारनाथ सानप यांनी दि. 26 रोजी आमरण उपोषणास बसण्याचा इशारा दिला होता. त्यानंतर तहसीलदार कार्यालयाकडून दि. 25/1/26 रोजी पत्र देत बाधित शेतकऱ्यांचे पंचनामे व अनुदान वाटपाची यादी सानप यांना देण्यात आली.

मात्र ही यादी तपासल्यानंतर अनेक धक्कादायक बाबी समोर आल्या, त्यामध्ये —

👉 काही शेतकऱ्यांचे गट नंबर चुकीचे असल्याचे आढळून आले.
👉 काही शेतकऱ्यांच्या खात्यावर अनुदानाची रक्कमच जमा झालेली नाही.
👉 एका प्रकरणात तर संबंधित व्यक्तीच्या नावावर शेती अथवा सातबारा उताराच नसताना बनावट शेतकऱ्याच्या खात्यावर थेट पैसे जमा झाल्याचा गंभीर प्रकार उघड झाला.

📝 उपजिल्हाधिकाऱ्यांकडे थेट तक्रार — फेरचौकशीचे आदेश

या सर्व बाबींचा ठोस पुरावा घेऊन दि. 29/1/26 रोजी केदारनाथ सानप यांनी निवासी उपजिल्हाधिकारी वैशाली चव्हाण यांची समक्ष भेट घेऊन सविस्तर तक्रार अर्ज दिला.

या तक्रारीची गंभीर दखल घेत उपविभागीय अधिकारी, भुसावळ विभाग, भुसावळ यांना फेरचौकशीचे आदेश देण्यात आले असून,
👉 संपूर्ण प्रकरणाची नव्याने चौकशी करून
👉 स्वयंस्पष्ट अहवाल वरिष्ठ कार्यालयात सादर करण्याचे स्पष्ट निर्देश देण्यात आले आहेत.

🔍 शेतकऱ्यांचे लक्ष चौकशीकडे

दुष्काळग्रस्त शेतकऱ्यांसाठी आलेल्या अनुदानातच अपहाराचा संशय निर्माण झाल्याने तालुक्यातील शेतकरी वर्गात तीव्र संतापाचे वातावरण असून, आता या फेरचौकशीतून नेमका दोषी कोण ठरतो, याकडे सर्वांचे लक्ष लागून राहिले आहे.

🛑 शासनाच्या मदतीवर डल्ला मारणाऱ्यांवर कठोर कारवाई होणार का?
🛑 जबाबदार अधिकाऱ्यांची जबाबदारी निश्चित होणार का?
हे पाहणे आता महत्त्वाचे ठरणार आहे.