🚨😡 एरंडोल हादरले!

SARDAR NETWORK 24×7 – DAINIK LATEST NEWS (सच आपकी जुबानी) 📍 एरंडोल | तालुका प्रतिनिधी – राजधर महाजन

एरंडोल शहरातील लांडापूर भागात चार वर्षीय बालिकेवर तिच्याच नात्यातील ५९ वर्षीय मामेआजोबाने अत्याचार केल्याची धक्कादायक घटना उघडकीस आली असून परिसरात संतापाची लाट उसळली आहे. या अमानुष घटनेच्या निषेधार्थ संतप्त महिला व पुरुषांनी“संशयितास आमच्या ताब्यात द्या आणि त्याच्यावर कठोर कारवाई करा” या मागणीसाठी राष्ट्रीय महामार्गावर रास्तारोको आंदोलन केले.

घटनेची गंभीरता लक्षात घेऊन पोलिसांनी संशयित आरोपीला अटक केली असून त्याच्याविरोधात पॉक्सो (POCSO) कायद्यांतर्गत गुन्हा दाखल करण्यात आला आहे.

👧 घरातून अचानक गायब झालेली बालिका

मिळालेल्या माहितीनुसार, लांडापूर भागात राहणारी चार वर्षीय बालिका दुपारी सुमारे १२ वाजता आपल्या घरात आई व भावंडांसोबत खेळत होती. त्या वेळी बालिकेची आई काही वेळासाठी बाहेर गेली होती. सुमारे पंधरा मिनिटांनी ती परत आली असता बालिका घरात दिसून आली नाही.

यामुळे आईने आजूबाजूला शोध सुरू केला. घराशेजारीच राहणाऱ्या नात्याने मामेआजोबा असलेल्या व्यक्तीकडे चौकशी करण्यासाठी ती गेली असता त्याच्या घराचा दरवाजा अर्धवट बंद दिसून आला.

⚠️ आईच्या लक्षात आला धक्कादायक प्रकार

बालिकेच्या आईने त्याला मुलीबाबत विचारले असता त्याने मला काही माहिती नाही असे सांगितले. मात्र तो अर्धवट नग्न अवस्थेत असल्याचे पाहून आईला संशय आला. त्यामुळे ती घरात गेली असता त्याच्या पोटाखाली लहान मुलीचे पाय दिसले, त्यावेळी तिची चार वर्षीय मुलगी तिथे असल्याचे समोर आले.

आईने तातडीने मुलीला तिथून बाहेर काढून घरी आणले आणि घडलेला प्रकार पतीला सांगितला.

⚖️ पॉक्सो कायद्यानुसार गुन्हा

या घटनेनंतर बालिकेच्या आईने पोलिसांत तक्रार दाखल केली. तक्रारीनुसार आरोपीविरुद्ध पॉक्सो कायद्यांतर्गत गुन्हा दाखल करण्यात आला असून पोलिसांनी त्याला अटक केली आहे. या प्रकरणाचा पुढील तपास सहाय्यक पोलीस निरीक्षक शंकर पवार करीत आहेत.

🛑 संतप्त नागरिकांचा रास्तारोको

घटनेची माहिती मिळताच शेकडो महिला व पुरुषांनी पोलीस स्थानक परिसरात गर्दी केली. आरोपीविरुद्ध कठोर कारवाईची मागणी करत राष्ट्रीय महामार्गावरील कासोदा फाट्याजवळ रास्तारोको आंदोलन करण्यात आले. त्यामुळे काही काळ वाहतूक विस्कळीत झाली.

👮 वरिष्ठ पोलिसांनी शांततेचे आवाहन

घटनेची माहिती मिळताच अमळनेर विभागाचे उपविभागीय पोलीस अधिकारी विनायक कोते, एरंडोलचे पोलीस निरीक्षक निलेश गायकवाड, पारोळ्याचे निरीक्षक अशोक पवार, धरणगावचे निरीक्षक सुनील पवार, कासोद्याचे सहाय्यक निरीक्षक श्रीकांत पाटील तसेच इतर पोलीस कर्मचारी घटनास्थळी दाखल झाले.

तसेच आदिवासी नेत्या प्रतिभा शिंदे यांनीही आंदोलनस्थळी उपस्थित राहून नागरिकांशी संवाद साधला.

पोलीस अधिकाऱ्यांनी संतप्त जमावाची समजूत काढत आरोपीला अटक झाली असून त्याच्यावर कडक कारवाई केली जाईल, असे आश्वासन दिल्यानंतर आंदोलन मागे घेण्यात आले.

🚓 परिसरात कडक बंदोबस्त

या घटनेनंतर परिसरात तणावपूर्ण वातावरण निर्माण झाले असून पोलीस बंदोबस्तात वाढ करण्यात आली आहे. परिस्थिती नियंत्रणात ठेवण्यासाठी शिघ्र कृती दलाच्या दोन तुकड्या तैनात, करण्यात आल्या आहेत.

📢 दरम्यान, या अमानुष घटनेमुळे एरंडोल परिसरात संतापाची लाट उसळली असून आरोपीला कठोर शिक्षा व्हावी अशी नागरिकांकडून मागणी होत आहे.