🚨🐕 अमळनेरमध्ये मोकाट कुत्र्यांचा कहर! ९ वर्षीय बालकावर भीषण हल्ला

SARDAR NETWORK 24×7 – DAINIK LATEST NEWS (सच आपकी जुबानी) अमळनेर तालुका प्रतिनिधी : ✍️📍 – मुन्ना शेख

अमळनेर शहरात मोकाट कुत्र्यांचा सुळसुळाट दिवसेंदिवस वाढत असून प्रशासनाच्या दुर्लक्षामुळे नागरिकांच्या जीवाला धोका निर्माण झाला आहे. काल रात्री शहरातील जुने बस स्टँड परिसरात एका ९ वर्षीय निरपराध बालकावर कुत्र्याने अचानक हल्ला केल्याची धक्कादायक घटना घडली. या भीषण हल्ल्यात बालक गंभीर जखमी झाला असून त्याची प्रकृती चिंताजनक असल्याने त्याला पुढील उपचारासाठी धुळे येथे हलवण्यात आले आहे.

मिळालेल्या माहितीनुसार, अविनाश कैलास पांचाळ (वय ९) असे जखमी बालकाचे नाव आहे. काल रात्री तो परिसरात असताना अचानक एका मोकाट कुत्र्याने त्याच्यावर झडप घालत जबर चावा घेतला. या अचानक झालेल्या हल्ल्यामुळे अविनाश गंभीर जखमी झाला. त्याच्या शरीरावर खोल जखमा झाल्याने परिसरातील नागरिकांनी तत्काळ त्याला उपचारासाठी रुग्णालयात दाखल केले.

प्राथमिक उपचारानंतर त्याची प्रकृती गंभीर असल्याचे डॉक्टरांनी सांगितल्याने त्याला तातडीने धुळे येथील रुग्णालयात हलवण्यात आले. या घटनेमुळे परिसरातील नागरिकांमध्ये प्रचंड भीती आणि संतापाचे वातावरण निर्माण झाले आहे.

⚠️ प्रशासनाच्या दुर्लक्षामुळे वाढला धोका

शहरात मोकाट कुत्र्यांची संख्या मोठ्या प्रमाणात वाढली असून अनेक भागात नागरिकांना रात्री तर सोडाच पण दिवसा देखील बाहेर पडणे कठीण झाले आहे. नागरिकांनी अनेक वेळा नगरपालिकेकडे तक्रारी केल्या असूनही मोकाट कुत्र्यांवर नियंत्रण ठेवण्यासाठी कोणतीही ठोस कारवाई होत नसल्याचा आरोप स्थानिक नागरिकांनी केला आहे.

👥 नागरिकांचा संताप; तात्काळ कारवाईची मागणी

या घटनेनंतर नागरिकांनी प्रशासनावर तीव्र नाराजी व्यक्त केली असून मोकाट कुत्र्यांचा तात्काळ बंदोबस्त करावा, अशी आक्रमक मागणी केली आहे.

नागरिकांचे म्हणणे आहे की, जर वेळेत उपाययोजना केल्या नाहीत तर भविष्यात अशा गंभीर घटना आणखी घडू शकतात आणि निष्पाप नागरिकांचे जीव धोक्यात येऊ शकतात.

📢 प्रश्न प्रशासनाला

शहरातील मोकाट कुत्र्यांचा बंदोबस्त कधी होणार?

नागरिकांच्या जीवाशी खेळणाऱ्या या समस्येकडे प्रशासन किती दिवस दुर्लक्ष करणार?

एखादा मोठा अपघात झाल्यावरच कारवाई होणार का?

या घटनेमुळे अमळनेर शहरातील मोकाट कुत्र्यांच्या समस्येचा प्रश्न पुन्हा एकदा ऐरणीवर आला असून नागरिक आता प्रशासनाकडून तातडीच्या कारवाईची अपेक्षा व्यक्त करत आहेत.