🔥 अमळनेरमध्ये भीषण आग! विप्रो प्लांटला धोका… अग्निशमन दलाच्या तत्परतेने मोठा अनर्थ टळला 🚒

SARDAR NETWORK 24×7 – DAINIK LATEST NEWS (सच आपकी जुबानी) अमळनेर तालुका | प्रतिनिधी – मुन्ना शेख

अमळनेर शहरात काल दुपारी सुमारे २ वाजेच्या सुमारास रेल्वे लाईनलगत विप्रोच्या बाजूच्या परिसरात दोन ठिकाणी अचानक भीषण आग लागल्याने परिसरात एकच खळबळ उडाली. 🔥 धूराचे लोट आकाशात पसरल्याने नागरिकांमध्ये भीतीचे वातावरण निर्माण झाले होते.

विशेष बाब म्हणजे आग लागलेले ठिकाण हे विप्रो प्लांटच्या अगदी जवळ असल्याने मोठ्या दुर्घटनेची शक्यता निर्माण झाली होती. मात्र, अग्निशमन दलाने वेळीच घटनास्थळी धाव घेत तात्काळ कार्यवाही केल्यामुळे संभाव्य अनर्थ टळला. 🙏

अग्निशमन दलासोबतच विप्रो कंपनीच्या कर्मचाऱ्यांनीही शर्थीचे प्रयत्न करत आग आटोक्यात आणण्यासाठी मदत केली. बराच वेळ सुरू असलेली ही आग अखेर नियंत्रणात आणण्यात यश आले. 💪🚒

या संपूर्ण बचावकार्यामध्ये अग्निशमन अधिकारी गणेश गोसावी यांच्या नेतृत्वाखाली कर्मचारी फारुक शेख, दिनेश बिऱ्हाडे, सत्येन संदानशिव, वसीम पठाण, मच्छिंद्र चौधरी, भिका संदानशिव, आनंद झिम्बल, आकाश संदानशिव आणि आकाश बाविस्कर यांनी महत्त्वपूर्ण भूमिका बजावत परिश्रम घेतले. 👏

सुदैवाने या घटनेत कोणतीही जीवितहानी झाली नाही, मात्र या आगीमुळे परिसरात काही प्रमाणात नुकसान झाल्याची प्राथमिक माहिती आहे.

👉 प्रशासनाने नागरिकांना आवाहन केले आहे की, अशा घटना टाळण्यासाठी परिसरात सतर्कता बाळगावी आणि संशयास्पद बाबी त्वरित संबंधित विभागाला कळवाव्यात. ⚠️