📰 राजमाता जिजाऊ व स्वामी विवेकानंद जयंतीनिमित्त भुसावळ नगर परिषदेत रक्तदान शिबिर उत्साहात ❤️🩸

SARDAR NETWORK 24×7 – DAINIK LATEST NEWS (सच आपकी जुबानी) भुसावळ | प्रतिनिधी : इम्रान खान

राजमाता जिजाऊ जयंती व स्वामी विवेकानंद जयंतीच्या पावन निमित्ताने दि. १२ जानेवारी २०२६ रोजी भुसावळ नगर परिषद परिसरात मैत्री सागर महिला बहुउद्देशीय संस्था यांच्या वतीने भव्य रक्तदान शिबिराचे आयोजन करण्यात आले होते. या शिबिरास नागरिकांचा उत्स्फूर्त प्रतिसाद लाभला असून मोठ्या संख्येने तरुण-तरुणींनी स्वेच्छेने रक्तदान करून सामाजिक बांधिलकी जपली. ❤️‍🔥

या रक्तदान शिबिराचे उद्घाटन लोकनियुक्त नगरसेविका गायत्रीताई भंगाळे यांच्या शुभहस्ते करण्यात आले. यावेळी त्यांनी संस्थेच्या सामाजिक उपक्रमाचे कौतुक करत आयोजकांना शुभेच्छा दिल्या. हे शिबिर मैत्री सागर महिला बहुउद्देशीय संस्थेच्या अध्यक्ष वंदना शंखपाल यांच्या मार्गदर्शनाखाली यशस्वीरीत्या पार पडले. त्यांनी यावेळी संस्थेच्या विविध सामाजिक कार्यांची व उद्दिष्टांची माहिती उपस्थितांना दिली. 🌸

कार्यक्रमात भुसावळ शहर व्यवस्थापक शशिकला ठोंबरे मॅडम यांनी राजमाता जिजाऊ व स्वामी विवेकानंद यांच्या जीवनकार्यावर प्रकाश टाकत समाजघडणीतील त्यांच्या अमूल्य योगदानाबाबत मार्गदर्शन केले.
“रक्तदान हे श्रेष्ठ दान असून समाजासाठी जबाबदार नागरिक घडविण्याची प्रेरणा राजमाता जिजाऊ यांनी दिली, तर स्वामी विवेकानंदांनी युवकांना आत्मविश्वास व राष्ट्रसेवेचा मार्ग दाखवला,” असे मत त्यांनी व्यक्त केले. 💡🇮🇳

कार्यक्रमाचे प्रभावी सूत्रसंचालन संस्थेच्या सचिव सौ. गायत्री बोरसे यांनी केले. तसेच कार्यक्रमाच्या शेवटी त्यांनी उपस्थित सर्व मान्यवर, रक्तदाते व सहकाऱ्यांचे आभार मानले. 🙏

या रक्तदान शिबिरात एकूण ३५ रक्तदात्यांनी रक्तदान करून समाजाप्रती आपली जबाबदारी पार पाडली. शिबिर यशस्वी करण्यासाठी समुदाय संघटक पावशे मॅडम, शिरसाट मॅडम, फिरके मॅडम तसेच सी.आर.पी. टीम यांनी विशेष परिश्रम घेतले. 👏

कार्यक्रमाच्या समारोपप्रसंगी आयोजकांनी सर्व रक्तदाते, स्वयंसेवक व उपस्थित नागरिकांचे मनःपूर्वक आभार मानत भविष्यातही असे समाजोपयोगी उपक्रम सातत्याने राबविण्याचा संकल्प व्यक्त केला. 🌟