🎉🏛️ सामाजिक सभागृहांच्या माध्यमातून सर्व समाजाला न्याय देण्याचा प्रयत्न

SARDAR NETWORK 24×7 – DAINIK LATEST NEWS (सच आपकी जुबानी) एरंडोल तालुका प्रतिनिधी : ✍️ राजधर महाजन

एरंडोल शहरातील विविध समाजांना सामाजिक सभागृहांच्या माध्यमातून न्याय देण्याचा प्रामाणिक प्रयत्न केल्याचे प्रतिपादन आमदार अमोल पाटील यांनी केले. आमदार अमोल पाटील यांच्या वाढदिवसानिमित्त सामाजिक कार्यकर्ते आनंदभाऊ दाभाडे मित्र परिवार, मरीमाता चौक मित्र मंडळ तसेच नगरसेविका छाया दाभाडे यांच्या वतीने आयोजित कार्यक्रमात ते बोलत होते. कार्यक्रमाच्या अध्यक्षस्थानी भाजप जनजातीय क्षेत्राचे प्रमुख ॲड. किशोर काळकर होते.

या प्रसंगी नगरसेविका छाया दाभाडे यांच्या वतीने प्रभागातील महिलांना साड्यांचे वाटप करण्यात आले, तर आनंदभाऊ दाभाडे मित्र परिवार व मरीमाता चौक मित्र मंडळ यांच्या वतीने आमदार अमोल पाटील यांची लाडूतुला करण्यात आली. 🎁👩‍🦰

आमदार अमोल पाटील यांच्या वाढदिवसानिमित्त शहरात विविध सामाजिक व विकासात्मक उपक्रमांचे आयोजन करण्यात आले होते. आमदार पाटील व मान्यवरांच्या आगमनानंतर फटाक्यांची आतषबाजी करून त्यांचे जंगी स्वागत करण्यात आले. 🎆👏

यावेळी शहरातील विविध समाजांच्या सामाजिक सभागृहांचे लोकार्पण, नवीन मटन मार्केट, रस्त्याचे खडीकरण, तसेचविविध सामाजिक सभागृहांच्या कामांचे भूमिपूजन आमदार अमोल पाटील यांच्या हस्ते करण्यात आले. या विकासकामांमुळे आपण मतदारांना दिलेली आश्वासने प्रत्यक्षात उतरवता येत असल्याचे समाधान असल्याची भावना आमदार पाटील यांनी व्यक्त केली. 🏗️🛣️

शहर व ग्रामीण भागात झालेल्या विविध विकासकामांमुळेच मतदारांनी नगरपालिका निवडणुकीत महायुतीच्या उमेदवारांना विजयी केले, असे नमूद करत आगामी काळातही मतदारसंघाची विकासाची घौडदौड अधिक वेगाने सुरू राहील, असा विश्वास आमदार पाटील यांनी व्यक्त केला. 🚀🌆

कार्यक्रमात ॲड. किशोर काळकर, नगराध्यक्ष डॉ. नरेंद्र ठाकूर, शिवसेनेचे गटनेते प्रा. मनोज पाटील, बाजार समितीचे माजी सभापती शालिग्राम गायकवाड, नगरसेविका छाया दाभाडे यांच्यासह विविध मान्यवरांनी मनोगत व्यक्त केले.

याप्रसंगी मरीमाता चौकात आमदार अमोल पाटील यांची लाडूतुला करण्यात आली, तर प्रभागातील महिलांनी आमदार पाटील यांचे औक्षण करून शुभेच्छा दिल्या. 💐🙏

कार्यक्रमास आमदार अमोल पाटील यांच्या पत्नी मृणाल पाटील, सामाजिक कार्यकर्ते आनंद दाभाडे, शिवसेनेचे जिल्हाप्रमुख वासुदेव पाटील, जिल्हा परिषदेचे माजी उपाध्यक्ष ज्ञानेश्वर आमले, माजी नगराध्यक्ष रवींद्र महाजन, युवासेनेचे माजी तालुकाप्रमुख बबलू पाटील, माजी उपनगराध्यक्ष अशोक चौधरी, माजी नगराध्यक्ष जयश्री पाटील, उपनगराध्यक्षा सुनीता माळी, नगरसेविका आरती महाजन, पौर्णिमा देवरे, कमल पाटील, डॉ. गितांजली ठाकूर, सत्यभामा पाटील, पल्लवी पाटील, मीनाक्षी पाटील, नगरसेवक अमोल तंबोली, मयूर महाजन, कृष्णा ओतारी, अनिल महाजन, योगेश महाजन, डॉ. नरेंद्र पाटील, माजी नगरसेवक रुपेश माळी, बबलू चौधरी, अतुल महाजन, महेश देवरे यांच्यासह नगरसेवक, नगरसेविका, महायुतीचे पदाधिकारी व कार्यकर्ते मोठ्या संख्येने उपस्थित होते. विशेष म्हणजे कार्यक्रमात महिलांची उपस्थिती लक्षणीय होती. 👩‍👩‍👧‍👦✨

कार्यक्रमाच्या यशस्वी आयोजनासाठी माजी नगरसेवक पापा दाभाडे, सुरेश दाभाडे तसेच मरीमाता चौक मित्र मंडळाच्या पदाधिकाऱ्यांनी विशेष सहकार्य केले.