🌸👩‍⚕️ भुसावळ नगरपालिकेत महिला दिन उत्साहात 🌸👩‍⚕️

SARDAR NETWORK 24×7 – DAINIK LATEST NEWS (सच आपकी जुबानी)  भुसावळ तालुका प्रतिनिधी | इम्रान खान

आंतरराष्ट्रीय महिला दिनानिमित्त भुसावळ नगर परिषदेतर्फे विविध कार्यक्रमांचे आयोजन करत महिला दिन मोठ्या उत्साहात साजरा करण्यात आला. यावेळी **महिलांच्या आरोग्य सुविधा व समस्यांवर लक्ष देत सुमारे ५० लाख रुपयांचा निधी खर्च करून अद्ययावत सुविधा उपलब्ध करून देण्यात येणार असल्याची घोषणा नगराध्यक्षा गायत्री भंगाळे यांनी केली.

महिला दिनानिमित्त भुसावळ नगर परिषदेमार्फत उपेक्षित व कष्टकरी सुमारे ३०० महिलांचा तसेच विविध क्षेत्रात उल्लेखनीय कार्य करणाऱ्या निवडक महिलांचा सन्मान करण्यात आला. यामध्ये जयश्री काळवीट, चारूलता भालेराव, ॲड. भंडारी यांच्यासह अनेक महिलांचा सत्कार करण्यात आला.

👩‍⚕️ आरोग्याबाबत मार्गदर्शन

या कार्यक्रमात नाट्य अभिनेत्री मंजुषा भिडे, डॉ. श्रद्धा चांडक, ललिता चौधरी, सायली चौधरी, नगरसेविका पुष्पा चौधरी, नसीम बी. शेख नदीन आदी मान्यवर उपस्थित होते.

यावेळी डॉ. श्रद्धा चांडक यांनी“आरोग्यावर बोलू काही” या विषयावर महिलांना मार्गदर्शन करत आरोग्याची काळजी, नियमित तपासणी व संतुलित जीवनशैलीचे महत्त्व स्पष्ट केले.

📚 सांस्कृतिक वारसा प्रकल्पाची राज्यात प्रथमच सुरुवात

समन्वयक प्रा. उत्तम सुरवाडे यांच्या संकल्पनेतून साकारलेल्या “सांस्कृतिक वारसा बोधचिन्ह” या अभिनव प्रकल्पाचेही या वेळी अनावरण करण्यात आले. जागतिक मराठी भाषा सप्ताह आणि महिला दिनानिमित्त महिला साहित्यिक सीमा भारंबे यांच्या घरावर त्यांच्या नावाची मराठमोळी पाटी लावून या प्रकल्पाची राज्यात प्रथमच सुरुवात करण्यात आली.

या कार्यक्रमासाठी अनूप खोब्रागडे, गणेश चौधरी, नरेंद्र भोळे यांनी विशेष परिश्रम घेतले. कार्यक्रमाचे सूत्रसंचालन प्रा. उत्तम सुरवाडे यांनी केले.