🚆 रेल्वे जीएम यांनी जनतेच्या समस्या तातडीने मार्गी लावाव्यात!

SARDAR NETWORK 24×7 – DAINIK LATEST NEWS (सच आपकी जुबानी) पाचोरा तालुका प्रतिनिधी : ✍️ आबा सूर्यवंशी

पाचोरा रेल्वे स्थानकावर रेल्वेच्या दिल्लीस्थित वरिष्ठ अधिकाऱ्यांचा महत्त्वपूर्ण दौरा शनिवारी दि. १७ रोजी दुपारी सुमारे अडीच वाजेच्या सुमारास पार पडला. मध्य रेल्वेचे महाव्यवस्थापक (जीएम) विनयकुमार गुप्ता हे आपल्या अधिकाऱ्यांच्या लवाजम्यासह पाचोरा येथे दाखल झाले होते. या दौऱ्यात त्यांनी सुमारे दोन ते अडीच तास रेल्वेच्या विविध कामांचा, प्रवासी सुविधांचा, सुरक्षाव्यवस्थेचा तसेच भविष्यातील रेल्वे मार्ग विस्ताराच्या योजनांचा आढावा घेतला. 🚉

🤝 आमदार–जीएम यांच्यात सखोल चर्चा

या दौऱ्यादरम्यान पाचोरा विधानसभा मतदारसंघाचे लोकप्रिय व कार्यसम्राट आमदार किशोर आप्पा पाटील यांनी नगरसेवकांसह रेल्वे जीएम श्री. गुप्ता यांची भेट घेतली. या भेटीत आमदारांनी पाचोरा परिसरातील प्रवाशांचे, शेतकऱ्यांचे व नागरिकांचे विविध ज्वलंत प्रश्न मांडले तसेच त्याबाबत सविस्तर निवेदन (पत्र) जीएम यांना सादर केले. ✍️

🚆 एक्सप्रेस गाड्यांचे थांबे वाढविण्याची मागणी

निवेदनात आमदारांनी पाचोरा रेल्वे स्थानकावर महत्त्वाच्या एक्सप्रेस गाड्यांचे थांबे वाढवावेत, जेणेकरून लांब पल्ल्याच्या प्रवासासाठी प्रवाशांची होणारी गैरसोय, आरक्षणाच्या अडचणी दूर होतील, अशी ठाम मागणी केली.

🌾 अंडरपास बोगद्यांची उंची वाढविण्याची गरज

रेल्वेने ग्रामीण भागात तयार केलेल्या अनेक अंडरपास बोगद्यांची उंची अत्यंत कमी असल्याने शेतकरी, ग्रामस्थ व मालवाहतूक करणाऱ्या वाहनांना मोठ्या अडचणींचा सामना करावा लागत आहे.
➡️ त्यामुळे या बोगद्यांची उंची तातडीने वाढवावी
➡️ शेतीमाल वाहतूक करणारी मोठी वाहने सुरक्षितपणे जाऊ शकतील, अशी रचना करावी
➡️ पावसाळ्यात अंडरपासमध्ये साचणाऱ्या पाण्याचा निचरा करण्याची जबाबदारी निश्चित करावी

जर ही जबाबदारी संबंधित ग्रामपंचायतींना देण्यात आली, तर त्यांना आर्थिक उत्पन्नाचे साधन उपलब्ध होईल, असेही आमदारांनी नमूद केले. 💧

🛣️ पाचोरा शहरातील भुयारी मार्गाचा प्रश्न

पाचोरा येथील मुख्य भुयारी मार्गाची उंची अपुरी असल्याने बाजारपेठ, कृषी उत्पन्न बाजार समिती येथे जाणाऱ्या शेतकऱ्यांची ट्रॅक्टर, ट्रक व इतर मोठी वाहने अडत आहेत.
तसेच धार्मिक जयंती, उत्सव, मिरवणुकीतील मोठी वाहने देखील या मार्गातून नेणे अशक्य होत आहे.
➡️ त्यामुळे या भुयारी मार्गाची उंची वाढविण्याची मागणी आमदारांनी केली. 🚜🎉

⚠️ पाचोरा–तारखेडा रस्त्याबाबत इशारा

पाचोरा ते तारखेडा हा अत्यंत महत्त्वाचा संपर्क रस्ता रेल्वे प्रशासनाने ताब्यात घेतल्यामुळे, अनेक वर्षांपासून अस्तित्वात असलेला शहर–ग्रामीण भागातील संपर्क तुटला आहे.
याचा फटका –
🎓 शिक्षणासाठी ये-जा करणाऱ्या विद्यार्थ्यांना
🌾 शेतीकाम करणाऱ्या शेतकऱ्यांना
🏭 उद्योग–व्यवसाय करणाऱ्यांना
मोठ्या प्रमाणात बसत आहे.
या रस्त्याची मालकी लोकप्रतिनिधींच्या अखत्यारीत द्यावी, यासाठी रेल्वे प्रशासनाने त्वरित पावले उचलावीत, अन्यथा जनहितासाठी मला वेगळा निर्णय घ्यावा लागेल, असा स्पष्ट इशाराही आमदार किशोर पाटील यांनी रेल्वे प्रशासनाला दिला. 🚨

👥 उपस्थित मान्यवर

या वेळी रेल्वे जीएम यांच्यासोबत विविध विभागांचे अधिकारी व कर्मचारी उपस्थित होते. तसेच
पाचोरा स्टेशन मास्तर विजय पाटील
ज्येष्ठ नगरसेवक गणेश पाटील
स्वीय सहाय्यक राजेश पाटील
अविभाऊ पाटील
आदी मान्यवर उपस्थित होते.