🌸💉 महिला दिनानिमित्त जामनेर उपजिल्हा रुग्णालयात HPV लसीकरण मोहिमेचा शुभारंभ 🌸💉

SARDAR NETWORK 24×7 – DAINIK LATEST NEWS (सच आपकी जुबानी)  जामनेर तालुका | प्रतिनिधी

आंतरराष्ट्रीय महिला दिनानिमित्त (८ मार्च) जामनेर येथील उपजिल्हा रुग्णालयात HPV (ह्युमन पॅपिलोमा व्हायरस) लसीकरण मोहिमेचा उत्साहात शुभारंभ करण्यात आला. महिलांच्या आरोग्याच्या दृष्टीने अत्यंत महत्त्वपूर्ण असलेल्या या उपक्रमाचे आयोजन आरोग्य विभागाच्या मार्गदर्शनाखाली करण्यात आले.

या कार्यक्रमाचे आयोजन सिव्हिल सर्जन डॉ. स्वप्निल सांगळे, मा. अतिरिक्त सिव्हिल सर्जन डॉ. आकाश चौधरी तसेच बाह्य संपर्क अधिकारी डॉ. सुशांत सुपे यांच्या मार्गदर्शनाखाली करण्यात आले.

🎗️ मान्यवरांच्या उपस्थितीत शुभारंभ

महिला दिन आणि HPV लसीकरण मोहिमेच्या निमित्ताने जामनेर शहराच्या नगराध्यक्षा साधनाताई गिरीश महाजन तसेच उपनगराध्यक्ष डॉ. प्रशांत भोंडे यांच्या प्रमुख उपस्थितीत या लसीकरण मोहिमेचा शुभारंभ करण्यात आला.

यावेळी उपजिल्हा रुग्णालय जामनेरचे वैद्यकीय अधीक्षक डॉ. हर्षल चांदा यांच्या नेतृत्वाखाली रुग्णालयातील सर्व अधिकारी व कर्मचारी उपस्थित होते.

💉 महिलांच्या आरोग्यासाठी महत्त्वाचा उपक्रम

HPV लस ही महिलांमध्ये होणाऱ्या गर्भाशयाच्या कर्करोगापासून संरक्षण देण्यासाठी अत्यंत प्रभावी मानली जाते. त्यामुळे महिलांनी या लसीकरण मोहिमेचा लाभ घ्यावा, असे आवाहन आरोग्य विभागातर्फे करण्यात आले.

👩‍⚕️ रुग्णालय कर्मचाऱ्यांचे योगदान

उपजिल्हा रुग्णालय जामनेर येथील अधिकारी व कर्मचारी यांच्या सहकार्याने हा कार्यक्रम यशस्वीरित्या पार पडला. महिला दिनाच्या निमित्ताने राबविण्यात आलेल्या या उपक्रमामुळे महिलांच्या आरोग्याबाबत जनजागृती करण्यास मोठी मदत होणार असल्याचे यावेळी सांगण्यात आले.