🚨🚗 दिपनगरमध्ये भीषण अपघात!

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ तालुका प्रतिनिधी | इम्रान खान

भुसावळ तालुक्यातील दिपनगर येथील त्रिमूर्ती हॉटेलसमोर मंगळवार (१० मार्च २०२६) रोजी दुपारी सुमारे १२.३० वाजता चारचाकी वाहनाने दुचाकीला धडक दिल्याने एक जण जखमी झाल्याची घटना घडली. या अपघातामुळे परिसरात काही काळ गोंधळाचे वातावरण निर्माण झाले होते.

🏍️ कारच्या धडकेत दुचाकीस्वार जखमी

मिळालेल्या माहितीनुसार, चारचाकी वाहन व दुचाकी दोन्ही जळगावच्या दिशेने जात होते. दरम्यान, दुचाकीस्वार क्रॉसिंग ओलांडून पुढे जात असताना अचानक कारची जोरदार धडक बसल्याने अपघात झाला.

या अपघातात वासुदेव सुभाष तायडे (वय ४०) हे जखमी झाले असून त्यांना तातडीने उपचारासाठी रुग्णालयात दाखल करण्यात आले आहे.

👮 पोलिसांची तत्काळ धाव

घटनेच्या वेळी तेथून जात असलेल्या गायकवाड यांनी निदर्शनास हा अपघात आला. त्यांनी तात्काळ फोनद्वारे पोलीस कर्मचारी संदीप बडगे आणि शंकर महाजन यांना माहिती दिली. माहिती मिळताच दोन्ही पोलीस कर्मचारी तातडीने घटनास्थळी दाखल झाले.

🚑 नागरिकांची तत्पर मदत

दरम्यान, स्थानिक नागरिकांनी तत्परता दाखवत ॲम्बुलन्सला संपर्क साधून जखमी दुचाकीस्वाराला रुग्णालयात उपचारासाठी पाठवले. विशेष म्हणजे अपघातानंतर कार चालकही घटनास्थळी थांबून जखमी व्यक्तीला मदत करण्यासाठी पुढे आल्याची माहिती मिळाली आहे.

⚠️ वाहतुकीच्या वाढत्या वर्दळीमुळे अपघातांची शक्यता

दिपनगर येथील त्रिमूर्ती हॉटेल परिसर हा ६६० मेगावॅट पावर प्लांटकडे जाण्यासाठी तसेच तेथून बाहेर येण्यासाठी महत्त्वाचा मार्ग आहे. वरणगाव–भुसावळ–जळगाव हायवेवर जाण्यासाठी या मार्गाचा मोठ्या प्रमाणात वापर होत असल्याने येथे नेहमीच वाहतुकीची मोठी वर्दळ असते.

स्थानिक नागरिकांच्या म्हणण्यानुसार, येथील क्रॉसिंग ओलांडताना वाहनचालकांना मोठा धोका निर्माण होतो आणि त्यामुळे अपघातांचे प्रमाण वाढत आहे.

❗ सुरक्षेसाठी उपाययोजनांची मागणी

दरम्यान, यापूर्वीही याच ठिकाणी झालेल्या अपघातात एका महिलेचा मृत्यू झाला होता. त्यामुळे ६६० पावर प्लांटसमोरील क्रॉसिंग व त्रिमूर्ती हॉटेल परिसरात वाहतूक नियंत्रणासाठी सिग्नल, स्पीड ब्रेकर किंवा इतर सुरक्षात्मक उपाययोजना तातडीने कराव्यात, अशी मागणी स्थानिक नागरिकांकडून होत आहे.

📢 सतत वाढणाऱ्या वाहतुकीमुळे या परिसरात अपघात टाळण्यासाठी प्रशासनाने तातडीने ठोस पावले उचलावीत, अशी अपेक्षा नागरिकांकडून व्यक्त केली जात आहे.