🚨📢 “एरंडोलचा अधिकार हिरावणार का?”

SARDAR NETWORK 24×7 – DAINIK LATEST NEWS (सच आपकी जुबानी) एरंडोल तालुका प्रतिनिधी : ✍️ राजधर महाजन

📍 एरंडोल : चाळीसगाव येथे प्रस्तावित असलेल्या अप्पर जिल्हाधिकारी कार्यालयाला एरंडोल तालुका जोडण्याच्या निर्णयाला एरंडोलमधील नागरिक, लोकप्रतिनिधी आणि सामाजिक कार्यकर्त्यांनी तीव्र विरोध दर्शविला आहे. हा निर्णय एरंडोलकरांवर अन्यायकारक असल्याचा आरोप करत निर्णय तात्काळ रद्द करावा, अशी मागणी करत जिल्हाधिकाऱ्यांना निवेदन देण्यात आले आहे.

मिळालेल्या माहितीनुसार, चाळीसगाव येथे अप्पर जिल्हाधिकारी कार्यालय स्थापन करण्याच्या हालचालींना शासनस्तरावर वेग आला आहे. या कार्यालयाच्या कार्यक्षेत्रात एरंडोल तालुका जोडण्याचा प्रस्ताव समोर आला असून यामुळे एरंडोल येथील नागरिकांमध्ये तीव्र नाराजी पसरली आहे.

⚠️ एरंडोलकरांचा ठाम विरोध

या निर्णयामुळे एरंडोल तालुक्यातील नागरिकांना शासकीय कामांसाठी चाळीसगावला जावे लागेल, त्यामुळे नागरिकांची मोठी गैरसोय होणार असल्याचे मत स्थानिकांनी व्यक्त केले आहे.

यामुळे एरंडोलमधील स्थानिक लोकप्रतिनिधी, सामाजिक कार्यकर्ते आणि नागरिकांनी एकत्र येत या निर्णयाविरोधात आवाज उठविला आहे.

📄 जिल्हाधिकाऱ्यांना निवेदन

या संदर्भात जिल्हाधिकारी कार्यालयात उपजिल्हाधिकारी अर्चना मोरे यांना निवेदन देण्यात आले. तसेच हे निवेदन एरंडोलचे प्रांताधिकारी मनीषकुमार गायकवाड यांनाही देण्यात आले.

निवेदनामध्ये स्पष्टपणे नमूद करण्यात आले आहे की, एरंडोल तालुक्याचा विचार न करता घेतलेला हा निर्णय नागरिकांच्या दृष्टीने अन्यायकारक असून तो तात्काळ रद्द करण्यात यावा.

✍️ अनेक मान्यवरांच्या सह्या

या निवेदनावर माजी नगरसेवक विजय महाजन, एरंडोल शहर संघर्ष समितीचे अध्यक्ष रवींद्र लाळगे, माजी नगराध्यक्ष राजेंद्र चौधरी, राष्ट्रवादी (अजित पवार गट) पदाधिकारी रवींद्र पाटील, प्रसाद दंडवते, संघर्ष समितीचे प्रसिद्धी प्रमुख प्रवीण महाजन यांच्या सह्या आहेत.

तसेच माजी नगराध्यक्ष किशोर निंबाळकर, ॲड. दिनकर पाटील आणि माजी नगरसेवक जगदीश ठाकूर यांनीही या मागणीला पाठिंबा दर्शविला आहे.

📢 निर्णय रद्द न झाल्यास आंदोलनाचा इशारा

स्थानिक नागरिकांनी प्रशासनाला इशारा देत एरंडोल तालुक्याला चाळीसगाव अप्पर जिल्हाधिकारी कार्यालयाशी जोडण्याचा निर्णय तात्काळ रद्द करावा, अशी मागणी केली आहे.

📌 अन्यथा नागरिकांना तीव्र आंदोलन छेडावे लागेल, असा इशाराही देण्यात आला आहे.

⚡ या निर्णयामुळे एरंडोल शहर व तालुक्यातील नागरिकांमध्ये असंतोषाचे वातावरण निर्माण झाले असून प्रशासन याबाबत काय भूमिका घेणार याकडे सर्वांचे लक्ष लागले आहे.