🚨💥 अमळनेरमध्ये भरधाव वाहनाची धडक; ६५ वर्षीय वृद्ध महिलेचा जागीच मृत्यू, चालक फरार 🚨💥

SARDAR NETWORK 24×7 – DAINIK LATEST NEWS (सच आपकी जुबानी)  अमळनेर | तालुका प्रतिनिधी : मुन्ना शेख

अमळनेर शहरात भरधाव वाहनाच्या धडकेत ६५ वर्षीय वृद्ध महिलेचा जागीच मृत्यू झाल्याची दुर्दैवी घटना घडली आहे. ही दुर्घटना १५ मार्च रोजी रात्री सुमारे ९ वाजता दाजीबा नगर परिसरात घडल्याने परिसरात हळहळ व्यक्त केली जात आहे.

मिळालेल्या माहितीनुसार, शोभाबाई जयवंतराव पाटील (वय ६५) या रात्री नेहमीप्रमाणे शतपावली करत होत्या. त्याचवेळी गळवाडे बाजूकडून भरधाव वेगाने येणाऱ्या अज्ञात वाहनाने त्यांना जोरदार धडक दिली. या धडकेत त्या रस्त्यावर खाली कोसळल्या.

🚑 रुग्णालयात नेले, पण डॉक्टरांनी मृत घोषित केले

घटना घडल्यानंतर स्थानिक नागरिकांनी तत्काळ मदत करत शोभाबाई पाटील यांना रुग्णालयात दाखल केले. मात्र तपासणीअंती डॉक्टरांनी त्यांना मृत घोषित केले. या घटनेमुळे परिसरात शोककळा पसरली आहे.

🚗 चालक अपघातानंतर फरार

अपघातानंतर संबंधित वाहनचालकाने आपले वाहन मागे वळवून घटनास्थळावरून पळ काढल्याची माहिती समोर आली आहे. त्यामुळे पोलिसांकडून फरार वाहनचालकाचा शोध सुरू करण्यात आला आहे.

⚖️ पोलिसांत गुन्हा दाखल

या प्रकरणी प्रदीप आत्माराम पाटील यांनी अमळनेर पोलीस स्टेशनमध्ये फिर्याद दिली आहे. त्यानुसार भारतीय न्याय संहिता (BNS) कलम 106(1), 281 आणि 125(अ) अंतर्गत गुन्हा दाखल करण्यात आला आहे.

या घटनेचा पुढील तपास हेड कॉन्स्टेबल चंद्रकांत पाटील करीत आहेत.

📌 दरम्यान, शहरात वाढत्या अपघातांच्या घटनांमुळे नागरिकांमध्ये चिंता व्यक्त केली जात असून भरधाव वाहनांवर कठोर कारवाई करण्याची मागणी होत आहे.