🚧🔥 वरणगावकरांचा संताप उसळला! ⚠️🚩

SARDAR NETWORK 24×7 – DAINIK LATEST NEWS (सच आपकी जुबानी) सावदा तालुका रावेर प्रतिनिधी : ✍️📍: मुबारक तडवी

वरणगाव शहर व परिसरातील महामार्गाशी संबंधित प्रलंबित प्रश्नांकडे National Highways Authority of India (NHAI) चे लक्ष वेधण्यासाठी शिवसेनेने आक्रमक भूमिका घेतली आहे. जिल्हाप्रमुख समाधान महाजन, राजेंद्र चौधरी, विधानसभा प्रमुख संतोष माळी यांच्यासह नगरसेवक व पदाधिकाऱ्यांनी NHAI जळगाव कार्यालयाला निवेदन देत तात्काळ कार्यवाहीची मागणी केली.

महामार्गावरील त्रुटींमुळे नागरिकांना मोठा त्रास सहन करावा लागत असून, या समस्या त्वरित न सोडवल्यास ‘शिवसेना स्टाईल’ने तीव्र आंदोलन छेडले जाईल, असा गर्भित इशारा देण्यात आला आहे.

📌 प्रमुख मागण्या आणि समस्या

निवेदनात वरणगाव परिसरातील पाच महत्त्वाच्या मुद्द्यांवर तातडीने उपाययोजना करण्याची मागणी करण्यात आली आहे:

1️⃣ दिशादर्शक फलकांचा अभाव
५० हजार लोकसंख्येचे वरणगाव शहर असूनही तरसोद ते मलकापूर दरम्यान महामार्गावर शहराचे नाव दर्शविणारे फलक नाहीत. यामुळे प्रवाशांची मोठी गैरसोय होत आहे.

2️⃣ प्रकाश व्यवस्थेची कमतरता
भुसावळकडून वरणगावकडे येताना फुलगावजवळील सर्व्हिस रोडवर वस्ती असूनही पथदिव्यांची सोय नाही. अंधारामुळे अपघाताची शक्यता वाढली आहे.

3️⃣ जंक्शन उभारणीची गरज
मुस्लिम कब्रस्तान आणि ऑर्डनन्स फॅक्टरीकडे जाणाऱ्या रस्त्यांसाठी अंडर बायपासजवळ योग्य जंक्शन उपलब्ध नाही. वाहनधारकांच्या सोयीसाठी नवीन जंक्शन उभारावे, अशी मागणी करण्यात आली आहे.

4️⃣ पाण्याचा निचरा व रस्ता दुरुस्ती
फुलगाव येथील रेल्वे पुलाखालील रस्ता अत्यंत खराब झाला असून पावसाळ्यात पाणी साचते. कायमस्वरूपी निचरा करून रस्ता दुरुस्त करण्याची मागणी आहे.

5️⃣ पिकअप शेड उभारणी
महात्मा ज्योतिबा फुले सर्कल जवळ प्रवाशांच्या सोयीसाठी दोन्ही बाजूंना पिकअप शेड उभारणे गरजेचे असल्याचे निवेदनात नमूद आहे.

⚠️ प्रशासनाला स्पष्ट इशारा

निवेदनात नमूद करण्यात आले की, वरणगाव हे जिल्ह्यातील महत्त्वाचे केंद्र असूनही महामार्ग प्राधिकरणाकडून मूलभूत सुविधांकडे दुर्लक्ष होत आहे. प्रशासनाने तातडीने कामे हाती न घेतल्यास जनहितासाठी शिवसेना आपल्या खास शैलीत आंदोलन करेल, व त्याची संपूर्ण जबाबदारी प्रशासनाची राहील.

👥 उपस्थिती

यावेळी समाधान महाजन, राजेंद्र चौधरी यांच्यासोबत संतोष माळी, विलास मुळे, माजी नगरसेवक गणेश धनगर, नगरसेवक विनोद झोपे, रवि कोल्हे, शंकर लोखंडे तसेच अनेक शिवसैनिक व पदाधिकारी उपस्थित होते.

🔴 वरणगावकरांच्या मूलभूत सुविधांसाठी आता लढा तीव्र होणार का? प्रशासनाच्या निर्णयाकडे सर्वांचे लक्ष!