🥇 थायलंडमध्ये भारताचा डंका! 🌍 आंतरराष्ट्रीय कुस्ती स्पर्धेत पैलवान हितेश पाटील सुवर्णपदकाचा मानकरी

SARDAR NETWORK 24×7 – DAINIK LATEST NEWS (सच आपकी जुबानी) पाचोरा तालुका प्रतिनिधी : ✍️ आबा सूर्यवंशी

थायलंडची राजधानी बँकॉक येथे इंटरनॅशनल ऑलिम्पिक स्पोर्ट ऑर्गनायझेशन कमिटीच्या मान्यतेने आयोजित करण्यात आलेल्या इंटरनॅशनल रेसलिंग चॅम्पियनशिप २०२६ मध्ये भारताच्या पैलवानाने घवघवीत यश मिळवले आहे.

या आंतरराष्ट्रीय कुस्ती स्पर्धेत भारत, थायलंड, मलेशिया व श्रीलंका या देशांतील नामवंत कुस्तीपटूंनी सहभाग घेतला होता. भारताचा संघ मिशन ओलंपिक गेम्स असोसिएशन इंडिया यांच्या वतीने या स्पर्धेत सहभागी झाला होता.

🇮🇳 १२५ किलो गटात भारताची बाजी

बेळगाव येथे पार पडलेल्या अखिल भारतीय कुस्ती स्पर्धेतून निवड झालेल्या खेळाडूंना आंतरराष्ट्रीय स्पर्धेसाठी पाठवण्यात आले होते. यामध्ये १२५ किलो वजन गटात जळगाव जिल्ह्यातील पाचोरा तालुक्यातील गाळण गावचे पैलवान हितेश अनिल पाटील यांची निवड झाली होती.

🥇 अंतिम लढतीत थायलंडच्या पैलवानावर मात

अंतिम फेरीत थायलंडच्या बलाढ्य पैलवानावर निर्णायक विजय मिळवत पैलवान हितेश पाटील यांनी भारतासाठी सुवर्णपदक पटकावले. या विजयामुळे पाचोरा तालुका व जळगाव जिल्ह्याचे नाव आंतरराष्ट्रीय कुस्ती क्षेत्रात उज्वल झाले आहे.

विशेष म्हणजे, पैलवान हितेश पाटील हे महाराष्ट्र केसरी स्पर्धेसाठी जळगाव जिल्ह्याचे प्रतिनिधित्व करणारे खेळाडू आहेत.

👑 अनुभवी मार्गदर्शनात भारतीय संघाची दमदार कामगिरी

आशियाई सुवर्णपदक विजेते व मिशन ओलंपिक गेम्स असोसिएशन इंडियाचे सरचिटणीस
प्रा. पै. अमोल साठे यांच्या मार्गदर्शनाखाली भारतीय संघाने या स्पर्धेत उल्लेखनीय कामगिरी केली.
या यशामुळे भारतीय कुस्तीपटूंना आंतरराष्ट्रीय स्तरावर नवे व्यासपीठ उपलब्ध झाले असून संघटनेचे सर्वत्र कौतुक होत आहे.

👨‍👩‍👦 कुटुंबीयांचा अभिमान

सुवर्णपदक विजेते पैलवान हितेश पाटील हे गाळण गावाचे माजी सरपंच अनिल धना पाटील यांचे सुपुत्र असून,
ते पाचोरा शिवसेना तालुकाप्रमुख विनोद तावडे यांचे मावस पुतणे आहेत.

या ऐतिहासिक यशाबद्दल हितेश पाटील यांच्यावर सर्व स्तरातून अभिनंदनाचा वर्षाव होत आहे.
पाचोरा तालुक्यासाठी ही कामगिरी अभिमानास्पद व प्रेरणादायी ठरत आहे. 💐🇮🇳