🏃‍♂️🔥 भुसावळचा अभिमान! भुसावळ स्पोर्ट्स अँड रनर्स असोसिएशनचे ३५ धावपटू टाटा मुंबई मॅरेथॉन २०२६ मध्ये सहभागी 🌍🏅

SARDAR NETWORK 24×7 – DAINIK LATEST NEWS (सच आपकी जुबानी) भुसावळ तालुका प्रतिनिधी : ✍️ इम्रान खान

आशिया खंडातील सर्वात मोठी आणि अत्यंत प्रतिष्ठेची मानली जाणारी टाटा मुंबई मॅरेथॉन २०२६ ही आंतरराष्ट्रीय दर्जाची धावण्याची स्पर्धा नुकतीच मुंबई येथे प्रचंड उत्साहात पार पडली. या भव्य क्रीडा महोत्सवात भुसावळ स्पोर्ट्स अँड रनर्स असोसिएशन (BSARA) च्या वतीने भुसावळ शहरातील एकूण ३५ धावपटूंनी विविध गटांमध्ये यशस्वी सहभाग नोंदवून शहराच्या क्रीडा क्षेत्रात मानाचा तुरा रोवला.
या मॅरेथॉन स्पर्धेत BSARA चे धावपटू पूर्ण मॅरेथॉन (४२.१९५ किमी), अर्ध मॅरेथॉन (२१.०९७ किमी), १० किमी आणि ५.९ किमी या अंतरांच्या गटांमध्ये सहभागी झाले होते. पहाटे ठीक ५ वाजता सुरू झालेल्या या स्पर्धेत हजारो धावपटूंनी मुंबईच्या रस्त्यांवर उत्साहाने धाव घेतली. भुसावळच्या धावपटूंनी उत्कृष्ट तयारी, शिस्तबद्ध सराव आणि आत्मविश्वासाच्या जोरावर सर्व अंतर यशस्वीरित्या पूर्ण करत शहराचे नाव उज्ज्वल केले. 💪🏽✨
या संघामध्ये अनुभवी धावपटूंप्रमाणेच नवोदित धावपटूंचाही समावेश होता. अनेकांनी आपली वैयक्तिक सर्वोत्तम वेळ (Personal Best) नोंदवत उल्लेखनीय कामगिरी केली. दीर्घकाळ केलेला नियमित सराव, तज्ज्ञ मार्गदर्शन आणि संघभावनेमुळेच ही यशस्वी कामगिरी साध्य झाल्याची भावना धावपटूंनी व्यक्त केली. 🏅👏
संस्थेचे अध्यक्ष प्रा. प्रविण फालक यांनी सर्व सहभागी धावपटूंचे अभिनंदन करत ही कामगिरी भुसावळमध्ये वाढत असलेल्या धावसंस्कृतीचे सकारात्मक प्रतीक असल्याचे मत व्यक्त केले. भविष्यात अधिकाधिक युवक-युवतींनी धावण्याकडे व आरोग्यदायी जीवनशैलीकडे वळावे, असा आशावादही त्यांनी व्यक्त केला. 🌱🏃‍♀️
अर्ध मॅरेथॉन स्पर्धा माहीम रेती बंदर क्रीडांगणापासून, तर उर्वरित सर्व स्पर्धा छत्रपती शिवाजी महाराज टर्मिनस येथून सुरू झाल्या. यावर्षी या मॅरेथॉनमध्ये तब्बल ७०,०६५ धावपटूंनी सहभाग नोंदवला, यामध्ये ६९,७०२ भारतीय आणि ३६३ परदेशी धावपटूंचा समावेश होता. प्रत्यक्ष मुंबईच्या रस्त्यांवर ६५,४२४, तर आपल्या-आपल्या शहरातून ४,६४१ धावपटूंनी व्हर्च्युअल पद्धतीने सहभाग घेतला. यामध्ये भुसावळच्या ७ धावपटूंचाही समावेश होता. 👏🌐
या स्पर्धेत ५१,२०३ पुरुष आणि १८,८६२ महिला धावपटूंनी सहभाग घेतला. वरळी सी लिंकचे विहंगम दृश्य, प्रथमच कोस्टल रोडवरून धावण्याचा अनुभव, अरबी समुद्राच्या साक्षीने अनुभवलेले चढ-उतार, पेडर रोडवरील चढतीची वाट, नागरिकांचा उत्स्फूर्त प्रतिसाद, पोलीस प्रशासन व स्वयंसेवकांचे उत्तम नियोजन, ढोल-ताशा व बँड पथकांचा जल्लोष, तसेच राजकीय, सामाजिक आणि सिनेसृष्टीतील मान्यवरांसोबत धावण्याचा आनंद – या सर्व बाबींमुळे यंदाची मॅरेथॉन प्रत्येक धावपटूसाठी अविस्मरणीय अनुभव ठरली. 🎶🚓🏃‍♂️
भुसावळच्या धावपटूंनी या आंतरराष्ट्रीय स्पर्धेत सहभाग घेतल्यामुळे शहराच्या क्रीडा क्षेत्रातील नावलौकिकात मोठी भर पडली असून, स्थानिक नागरिकांकडून त्यांचे सर्वत्र कौतुक केले जात आहे. 🌟🏆

🏃‍♂️ भुसावळ स्पोर्ट्स अँड रनर्स असोसिएशनचे सहभागी धावपटू

🔹 ४२ किमी:

प्रदीप सोलंकी, राजेंद्र घाटे, जितेंद्र चौधरी, सुरेश सहानी, संतोष मोटवानी, निलेश पाटील, विलास पाटील, संदीप कुमार

🔹 २१ किमी:

डॉ. चारुलता पाटील, माधुरी चौधरी, अर्चना चौधरी, विनिता शुक्ला, माया पवार, ज्योती सिंग, मंगला पाटील, स्वाती फालक, दीपा स्वामी, किर्ती मोटळकर, एकता भगत, गरिमा न्याती, गणसिंग पाटील, मंगेश चंदन, रमेशसिंग पाटील, सारंग चौधरी, मधुकर इंगळे, प्रविण पाटील

🔹 १० किमी:

लवली पवार

🔹 ५.९ किमी:

पंकज सिंग

🔹 व्हर्च्युअल २१ किमी:

डॉ. नीलिमा नेहेते, डॉ. वर्षा वाडिले, सायली बेंडाळे, सीमा पाटील, राजेंद्र ठाकूर, ममता ठाकूर, सुनीता रंजन सिंग