🚨 भुसावळात 5.70 लाखांची घरफोडी उघड! पोलिसांची झटपट कारवाई—2 दिवसांत आरोपी जेरबंद 📰

SARDAR NETWORK 24×7 – DAINIK LATEST NEWS (सच आपकी जुबानी)  📝 भुसावळ तालुका प्रतिनिधी | इम्रान खान

🚔 भुसावळ शहरात घडलेल्या 5.70 लाख रुपयांच्या घरफोडी प्रकरणाचा अवघ्या दोन दिवसांत छडा लावत पोलिसांनी आरोपीला अटक केली, ही पोलिसांची मोठी कामगिरी ठरली आहे.

📍 मिळालेल्या माहितीनुसार, फातेमा कॉलनी येथील रहिवासी वसीम अहमद अब्दुल बासीद शेख यांनी 30 मार्च रोजी भुसावळ बाजारपेठ पोलीस स्टेशनमध्ये फिर्याद दिली होती. ते 28 ते 30 मार्च दरम्यान घराला कुलूप लावून बाहेरगावी गेले असताना अज्ञात चोरट्यांनी घरफोडी करून ₹5,70,000 किमतीचे सोनं-चांदीचे दागिने व रोख रक्कम लंपास केली होती.

📑 या प्रकरणी बीएनएस 2023 अंतर्गत कलम 305(अ), 331(3), 331(4) नुसार गुन्हा दाखल करण्यात आला होता.

🔍 गुप्त माहितीवरून पोलिसांची धडक कारवाई

⚡ पोलीस अधीक्षक महेश्वर रेड्डी, अप्पर पोलीस अधीक्षक अशोक नखाते, उपविभागीय पोलीस अधिकारी केदार बारबोले आणि पोलीस निरीक्षक राहुल वाघ यांच्या मार्गदर्शनाखाली डी.बी. पथकाने तपासाची चक्रे वेगाने फिरवली.

🕵️‍♂️ गुप्त माहितीच्या आधारे पोलिसांनी अमीर खान हबीब खान (वय 35, रा. भुसावळ) याला ताब्यात घेतले.

💬 चौकशीदरम्यान आरोपीने एका विधी संघर्ष बालकाच्या साथीने घरफोडी केल्याची कबुली दिली.

💰 लाखोंचा मुद्देमाल हस्तगत

💎 आरोपीकडून चोरी गेलेल्या मालापैकी तब्बल ₹4,99,100 किमतीचा मुद्देमाल जप्त करण्यात पोलिसांना यश आले आहे.

⚖️ आरोपीला न्यायालयात हजर केले असता 3 दिवसांची पोलीस कोठडी सुनावण्यात आली आहे.

👮 पोलिस पथकाची उल्लेखनीय कामगिरी

👏 या कारवाईत पोलीस उपनिरीक्षक राजू सांगळे यांच्यासह डी.बी. पथकातील अनेक कर्मचाऱ्यांनी महत्त्वाची भूमिका बजावली.

🔎 पुढील तपास वरिष्ठ अधिकाऱ्यांच्या मार्गदर्शनाखाली सुरू आहे.

🚨 भुसावळ पोलिसांनी केलेल्या या जलद आणि प्रभावी कारवाईमुळे गुन्हेगारांमध्ये भीतीचे वातावरण निर्माण झाले आहे.

🔐 मात्र शहरात वाढत्या घरफोडीच्या घटनांमुळे नागरिकांनीही सतर्क राहण्याची गरज अधोरेखित होत आहे.