🚨 भुसावळमध्ये मोठी कारवाई: पोलिसांवर हल्ला करणाऱ्या टोळीचा पर्दाफाश

SARDAR NETWORK 24×7 – DAINIK LATEST NEWS (सच आपकी जुबानी) भुसावळ प्रतिनिधी : ✍️ इम्रान खान, दिनांक : 19 जानेवारी 2026

मध्य प्रदेशातील बडोद थाना गुन्हा रजिस्टर क्रमांक 224/2025 (भा.न्या.सं. कलम 318(4)) मधील पाहिजे आरोपीचा शोध घेत असताना भुसावळ शहरात पोलीसांवर हल्ला, जमावबंदी आदेशांचे उल्लंघन आणि सरकारी कर्तव्यात अडथळा निर्माण करणाऱ्या टोळीविरोधात भुसावळ बाजारपेठ पोलीस ठाण्याने मोठी व निर्णायक कारवाई केली आहे.

🕙 पोलीसांवर हल्ला, दहशत आणि धमक्या

दिनांक 15/01/2026 रोजी रात्री 10.45 वाजता, मुस्लीम कॉलनी परिसरातील पाण्याच्या टाकीजवळील एका भाड्याच्या घरात आरोपी असल्याची माहिती मिळाल्यानंतर पोलिस पथक तेथे गेले असता, जमावबंदी आदेश असतानाही महिला व पुरुषांचा बेकायदेशीर जमाव जमवून पोलिसांवर विटा, लाकडी दांडे फेकून हल्ला करण्यात आला.

या वेळी संशयिताला पोलिसांच्या ताब्यातून सोडविण्याचा प्रयत्न करताना पोलीस कर्मचाऱ्यांना पकडणे, चावा घेणे, झटापट करणे, तसेच मोठ्या आवाजात दहशत निर्माण करणे व खोट्या तक्रारींच्या धमक्या देणे असे गंभीर प्रकार घडले.

या प्रकरणी बाजारपेठ पोलीस ठाण्यात भा.न्या.सं. कलम 121, 115, 189, 190, 132, 352, 351(2)(3) तसेच महाराष्ट्र पोलीस कायदा कलम 37(1)(3), 135 अन्वये गुन्हा दाखल करण्यात आला आहे.

🔎 फरार आरोपींच्या शोधासाठी कोंबींग ऑपरेशन

गुन्ह्यानंतर आरोपी फरार झाल्याने, पोलीस अधीक्षक, जळगाव यांच्या आदेशानुसार भुसावळ बाजारपेठ पोलीस ठाण्याच्या हद्दीत विशेष कोंबींग ऑपरेशन राबविण्यात आले. पंचांच्या उपस्थितीत घरझडती घेतली असता एका घरातील लोखंडी कपाटात प्लास्टिक पिशवीत सोन्याच्या लगडी आढळून आल्या.

💰 चोरीच्या दागिन्यांपासून बनविलेल्या सोन्याच्या लगडी

तपासात संबंधित महिला आरोपींनी कबुली दिली की,
➡️ जळगाव जिल्ह्यासह अमरावती, मध्य प्रदेश व इतर ठिकाणी
➡️ महिलांच्या गळ्यातील सोन्याचे दागिने जबरदस्तीने हिसकावणाऱ्या टोळीने
➡️ हे दागिने त्यांच्याकडे विक्रीसाठी दिले जात
➡️ ते वितळवून सोन्याच्या लगडी तयार करून विक्री केली जात असे

या प्रकरणात एकूण 16 सोन्याच्या लगडी,
👉 287.7 ग्रॅम वजनाचे सोने
👉 एकूण किंमत ₹40,25,000/-
जप्त करण्यात आले आहे.

📜 जप्त मुद्देमाल (संक्षेप)

✔️ 10 ते 30 ग्रॅम वजनाच्या 16 सोन्याच्या लगडी
✔️ एकूण किंमत – ₹40.25 लाख
✔️ वजन – 287.7 ग्रॅम

🔫 गावठी पिस्टल व काडतुसे जप्त

कारवाईदरम्यान एका आरोपीच्या ताब्यातून
🔸 एक लोखंडी गावठी पिस्टल (मॅगझिनसह)
🔸 दोन जिवंत काडतुसे
जप्त करण्यात आली. याप्रकरणी शस्त्र अधिनियम कलम 3/25 व महा. पो. का. अंतर्गत स्वतंत्र गुन्हा दाखल करण्यात आला आहे.

🏍️ 16 मोटरसायकली जप्त – साखळी गुन्ह्यांचा उलगडा
कोंबींग ऑपरेशनमध्ये

🚲 ₹4.80 लाख किमतीच्या 16 मोटरसायकली जप्त करण्यात आल्या असून,
त्यापैकी एक दुचाकी मुक्ताईनगर पोलीस ठाण्यातील गुन्ह्यातील असल्याचे निष्पन्न झाले आहे.

🧾 अनेक पोलीस ठाण्यांतील गुन्ह्यांशी संबंध

तपासात जळगाव, चाळीसगाव, पाचोरा, चोपडा, अमळनेर, जिल्हा पेठ, अमरावती व इतर पोलीस ठाण्यांतील अनेक गुन्ह्यांमध्ये आरोपींचा सहभाग असल्याचे उघडकीस आले आहे.

👮‍♀️ पोलीस पथकाचे अभिनंदन

ही संपूर्ण कारवाई पोलीस अधीक्षक जळगाव, अप्पर पोलीस अधीक्षक, उपविभागीय पोलीस अधिकारी, भुसावळ यांच्या मार्गदर्शनाखाली
➡️ स्थानिक गुन्हे शाखा
➡️ भुसावळ बाजारपेठ पोलीस ठाणे
➡️ पुरुष व महिला अधिकारी-अंमलदारांच्या संयुक्त पथकाने यशस्वीरीत्या पार पाडली.

🛑 भुसावळ शहरात कायदा-सुव्यवस्था बिघडविणाऱ्या व साखळी गुन्हे करणाऱ्यांवर पोलिसांची कठोर नजर असून, अशा कारवाया पुढेही सुरू राहतील, असा इशाराही प्रशासनाकडून देण्यात आला आहे.