🚨 जळगावात पोलिसांची मोठी कारवाई! गावठी कट्टा आणि जिवंत काडतुसांसह दोन आरोपी जेरबंद 🔫⚡

SARDAR NETWORK 24×7 – DAINIK LATEST NEWS (सच आपकी जुबानी)  जळगाव तालुका | प्रतिनिधी
जळगाव शहरात बेकायदेशीर शस्त्र बाळगणाऱ्यांविरोधात एमआयडीसी पोलीस स्टेशनने मोठी आणि धडाकेबाज कारवाई करत दोन संशयितांना अटक केली आहे. या कारवाईत गावठी कट्टा, जिवंत काडतुसे आणि महागडी स्पोर्ट्स बाईक असा तब्बल १.३३ लाखांचा मुद्देमाल जप्त करण्यात आला आहे. 💥

मिळालेल्या माहितीनुसार, जळगाव शहरातील कुसुंबा परिसरातील एअरपोर्ट रस्त्यावर दोन इसम गावठी कट्टा घेऊन फिरत असल्याची गोपनीय माहिती एमआयडीसी पोलिसांना मिळाली होती. त्यानंतर पोलीस निरीक्षक बबन आवाड यांच्या मार्गदर्शनाखाली गुन्हे शोध पथकाने तत्काळ सापळा रचला. 🕵️‍♂️

दि. २८ मार्च रोजी छत्रपती संभाजीनगर रोडवरील एअरपोर्टसमोरील तारा बिझनेस पार्क परिसरात संशयास्पद दुचाकीवर फिरणाऱ्या दोन इसमांना पोलिसांनी थांबवण्याचा प्रयत्न केला. मात्र त्यांनी पळ काढल्याने पोलिसांनी शिताफीने पाठलाग करत त्यांना पकडले. 🚔💨

तपासादरम्यान आरोपींची झडती घेतली असता एकाच्या कमरेला गावठी कट्टा 🔫 आणि खिशात ३ जिवंत काडतुसे 💣 आढळून आली. अटक केलेल्या आरोपींची नावे:

👉 दिपक ठकुबा गुंजाळ (वय २८, रा. दुर्गा नगर, सिल्लोड)
👉 विठ्ठल रंगनाथ सोनवणे (वय २५, रा. दुर्गा नगर, सिल्लोड)

अधिक चौकशीत आरोपींनी कबुली दिली की, त्यांनी हा गावठी कट्टा जळगावातील तांबापुरा परिसरातील अजय बिरजू गारुंगे याच्याकडून विकत घेतला होता. सदर आरोपी सध्या फरार असून पोलीस त्याचा शोध घेत आहेत. 🔍

जप्त मुद्देमाल:
गावठी पिस्तूल – ₹२०,०००
३ जिवंत काडतुसे – ₹३,०००
बजाज पल्सर RS 200 स्पोर्ट्स बाईक – ₹१,००,००० 🏍️
अँड्रॉईड मोबाईल – ₹१०,०००
👉 एकूण जप्ती: ₹१,३३,००० 💰

या प्रकरणी एमआयडीसी पोलीस स्टेशनमध्ये आर्म्स अॅक्ट कलम ३/२५ तसेच मोटार वाहन कायद्यांतर्गत गुन्हा दाखल करण्यात आला आहे.

अटक आरोपींना न्यायालयात हजर केले असता त्यांना २ दिवसांची पोलीस कोठडी सुनावण्यात आली असून पुढील तपास पोलीस उपनिरीक्षक चंद्रकांत धनके आणि पोलीस कर्मचारी चेतन पाटील करत आहेत.

ही संपूर्ण कारवाई पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते, उपविभागीय अधिकारी नितीन गणापुरे आणि केदार बारबोले यांच्या मार्गदर्शनाखाली पार पडली. 👮‍♂️

👉 जळगाव पोलिसांचा गुन्हेगारांना इशारा – बेकायदेशीर शस्त्र बाळगणाऱ्यांवर कठोर कारवाई अटळ! ⚠️🔥