🚨 अवघ्या 4 तासांत घरफोडीचा छडा

SARDAR NETWORK 24×7 – DAINIK LATEST NEWS (सच आपकी जुबानी) भुसावळ | प्रतिनिधी : इम्रान खान

भुसावळ शहरातील बाजारपेठ परिसरात झालेल्या घरफोडीच्या गुन्ह्याचा बाजारपेठ पोलीस स्टेशनच्या शोध पथकाने अवघ्या चार तासांत छडा लावून आरोपीस अटक केली असून, चोरी गेलेल्या मुद्देमालापैकी ₹2 लाख 82 हजार रुपयांचा ऐवज हस्तगत करण्यात आला आहे.

या प्रकरणी बाजारपेठ पोलीस स्टेशन येथे गु.र.नं. 06/2026 भा.न्या.सं. कलम 331(3), 331(4), 305(अ) अंतर्गत गुन्हा दाखल होता. फिर्यादी उपचारासाठी बाहेरगावी असताना अज्ञात चोरट्याने घरफोडी करून सोन्या-चांदीचे दागिने, सायकल व इंडक्शन शेगडी असा मुद्देमाल चोरून नेला होता.

तपासादरम्यान पोलीस कॉन्स्टेबल भूषण चौधरी यांना गोपनीय बातमीदाराकडून मिळालेली माहिती व तंत्रज्ञानाचा प्रभावी वापर करत संशयितावर लक्ष ठेवण्यात आले. मिळालेल्या माहितीच्या आधारे शिवाजीनगर परिसरातून परराज्यातील आरोपी कुंदन गोरेलाल कचवे (वय 24, रा. मध्यप्रदेश) यास ताब्यात घेण्यात आले. पुढील तपासात आरोपीकडून चोरीतील अर्ध्याहून अधिक मुद्देमाल हस्तगत करण्यात आला.

👮‍♂️ वरिष्ठांचे मार्गदर्शन, पथकाचे कौतुकही

उल्लेखनीय कामगिरी पोलीस अधीक्षक महेश्वर रेड्डी, अप्पर पोलीस अधीक्षक अशोक नखाते व उपविभागीय पोलीस अधिकारी केदार बारबोले यांच्या मार्गदर्शनाखाली पार पडली.

👮‍♂️ कारवाई करणारे अधिकारी

ही यशस्वी कारवाई
भुसावळ बाजारपेठ पोलीस स्टेशनचे पोलीस निरीक्षक राहुल वाघ
यांच्या नेतृत्वाखाली
पोउपनि मंगेश जाधव,
पोहेकों विजय नेरकर, कांतीलाल केदारे,
पोकों भूषण चौधरी, सचिन चौधरी, जावेद शहा, योगेश माळी, अमर अढाळे, जिवन कापडे, महेंद्रसिंग पाटील, प्रशांत सोनार
यांच्या सहभागातून पार पडली.

या वेगवान व अचूक कारवाईमुळे भुसावळ पोलिसांच्या कार्यक्षमतेबद्दल नागरिकांत समाधान व्यक्त होत आहे. 🚔✅