🚨🔪 भुसावळमध्ये भरदुपारी रक्तरंजित हल्ला!

SARDAR NETWORK 24×7 – DAINIK LATEST NEWS (सच आपकी जुबानी) भुसावळ तालुका प्रतिनिधी : ✍️ इम्रान खान

शहरातील गजबजलेल्या रजा टॉवर चौकात गुरुवारी दुपारी सुमारे 4 वाजता किरकोळ कारणावरून झालेल्या वादातून चाकू हल्ल्याची धक्कादायक घटना घडली. या घटनेत तेरा वर्षीय मुलगा गंभीर जखमी झाला असून आणखी एक तरुण जखमी झाला आहे. भरदिवसा घडलेल्या या प्रकारामुळे परिसरात काही काळ तणावाचे वातावरण निर्माण झाले. 🚨

⚠️ किरकोळ वादातून थेट हल्ला

प्राथमिक माहितीनुसार, एका 13 वर्षीय मुलगा आणि एका तरुणामध्ये किरकोळ कारणावरून शाब्दिक वाद झाला. हा वाद वाढत जाऊन हाणामारीपर्यंत पोहोचला. दरम्यान, अज्ञात व्यक्तीने तेरा वर्षीय मुलाच्या डाव्या कानाजवळ चाकूने वार केला.

गंभीर जखमी झालेला मुलगा रक्तबंबाळ अवस्थेत खाली कोसळला. या दरम्यान तेथे उपस्थित असलेल्या दुसऱ्या एका तरुणाच्या डाव्या मांडीवरही चाकूने वार करण्यात आला. 🔪

🏥 तातडीने उपचारासाठी दाखल

घटनेनंतर दोन्ही जखमींना तत्काळ भुसावळ येथील ट्रॉमा केअर सेंटर तसेच ग्रामीण रुग्णालयात दाखल करण्यात आले.

वैद्यकीय अधिकारी डॉ. आसीफ शेख यांनी दिलेल्या माहितीनुसार, तेरा वर्षीय मुलाची प्रकृती गंभीर असून तो काही काळ बेशुद्ध होता. पुढील उपचारासाठी त्याला जळगाव येथे हलविण्यात आले आहे. तर दुसऱ्या जखमी तरुणावर भुसावळ ग्रामीण रुग्णालयात उपचार सुरू आहेत.

👮‍♂️ तक्रार अद्याप नाही; पोलिसांची प्रतीक्षा

दरम्यान, या प्रकरणी बाजारपेठ पोलीस ठाण्यात अद्याप अधिकृत तक्रार दाखल झालेली नाही. दोन्ही जखमी उपचाराधीन असल्याने त्यांचे जबाब नोंदविणे शक्य झाले नसल्याची माहिती पोलिसांनी दिली.

जखमींची प्रकृती स्थिर झाल्यानंतर जबाब नोंदवून पुढील कायदेशीर कारवाई करण्यात येणार असल्याचे सांगण्यात आले आहे.

😨 नागरिकांमध्ये भीतीचे वातावरण

भरदिवसा गजबजलेल्या चौकात घडलेल्या या प्रकारामुळे नागरिकांमध्ये भीतीचे वातावरण निर्माण झाले आहे. शहरात वाढत्या गुन्हेगारी घटनांमुळे सुरक्षेबाबत प्रश्नचिन्ह निर्माण झाले असून पोलिसांनी गस्त वाढवावी, अशी मागणी नागरिकांकडून होत आहे. 🚔