🚨🐄 रावेरमध्ये बीफ विक्रीवर पोलिसांचा धाडसी छापा!

SARDAR NETWORK 24×7 – DAINIK LATEST NEWS (सच आपकी जुबानी) 📍 रावेर तालुका प्रतिनिधी – शकील शेख

रावेर तालुक्यातील रसलपूर गावात गोमांस विक्रीचा प्रकार उघडकीस आला असून रावेर पोलीस स्टेशनच्या क्राईम इन्व्हेस्टिगेशन टीमने धाड टाकून मोठ्या प्रमाणात मांस जप्त केले आहे. या कारवाईत दोन आरोपींना अटक करण्यात आली असून एक आरोपी फरार झाला आहे. या घटनेमुळे परिसरात खळबळ उडाली आहे.

🕵️‍♂️ मुखबिराच्या माहितीवरून पोलिसांची कारवाई

पोलीसांना मिळालेल्या गुप्त माहितीनुसार रसलपूर गावातील कुरैशी मोहल्ल्यात जनावरे कापून बीफ विक्री केली जात असल्याची माहिती मिळाली होती. या माहितीच्या आधारे १० मार्च २०२६ रोजी सकाळी रावेर पोलिसांच्या क्राईम इन्व्हेस्टिगेशन टीमने त्या ठिकाणी धाड टाकली.

यावेळी शेख युसूफ शेख अय्यूब कुरैशी (वय ५०) आणि शेख सनीफ शेख युसूफ कुरैशी (वय २५) हे दोघे जनावरांचे मांस विक्री करताना पोलिसांना आढळून आले.

🏃‍♂️ पळून जाण्याचा प्रयत्न अपयशी

पोलीस पाहताच दोन्ही आरोपींनी गल्लीबोळाचा फायदा घेत पळून जाण्याचा प्रयत्न केला, मात्र पोलिसांनी पाठलाग करून त्यांना ताब्यात घेत अटक केली.

त्यांच्याकडून सुमारे २६ हजार रुपये किमतीचे सुमारे १५० किलो मांस तसेच एक धारदार चाकू जप्त करण्यात आला.

⚠️ एक आरोपी फरार

दरम्यान, कारवाईदरम्यान पोलिसांचे पथक कुरैशी मोहल्ल्यातील शेख नूरा शेख मुनीर यांच्या घराजवळ पोहोचले असता शेख नईम शेख अय्यूब कुरैशी हा पिवळ्या रंगाच्या शेडमध्ये जनावर कापून विक्री करत असल्याचे आढळले.

मात्र पोलीस पोहोचण्यापूर्वीच तो घटनास्थळावरून फरार झाला. त्या ठिकाणाहून सुमारे ५ हजार रुपये किमतीचे २५ किलो मांस आणि एक धारदार चाकू जप्त करण्यात आला.

💰 एकूण ३९ हजारांचा मुद्देमाल जप्त

या संपूर्ण कारवाईत सुमारे ३९ हजार रुपये किमतीचे सुमारे १७५ किलो मांस आणि धारदार शस्त्रे जप्त करण्यात आली आहेत.
जप्त केलेल्या मांसाचे नमुने पशुवैद्यकीय अधिकारी डॉ. रंजीत पाटील यांच्या उपस्थितीत घेण्यात आले असून उर्वरित मांसाची योग्य पद्धतीने विल्हेवाट लावण्यात आली.

👮 पोलिसांची पुढील कारवाई सुरू

या प्रकरणी पोलीस कॉन्स्टेबल श्रीकांत चव्हाण यांच्या फिर्यादीवरून रावेर पोलीस स्टेशनमध्ये गुन्हा दाखल करण्यात आला आहे. अटक केलेल्या दोन्ही आरोपींना ताब्यात घेण्यात आले असून फरार आरोपीचा शोध सुरू असल्याची माहिती पोलिसांनी दिली.

🛑 वरिष्ठांच्या मार्गदर्शनाखाली कारवाई

ही कारवाई पोलीस अधीक्षक महेश्वर रेड्डी, अतिरिक्त पोलीस अधीक्षक अशोक नखाते आणि उपविभागीय पोलीस अधिकारी अनिल बडगुजर (फैजपूर विभाग) यांच्या मार्गदर्शनाखाली करण्यात आली.

या धाडीत पोलीस निरीक्षक डॉ. विशाल जायसवाल, पोलीस उपनिरीक्षक मनोज महाजन तसेच क्राईम इन्व्हेस्टिगेशन टीमचे प्रमोद पाटील, विशाल पाटील, श्रीकांत चव्हाण, सुकेश तडवी, गजानन बोने, राहुल परदेशी आणि शुभम काळे सहभागी होते.
दरम्यान, या गुन्ह्याचा पुढील तपास पोलीस हेड कॉन्स्टेबल सिकंदर तडवी करीत आहेत.

📢 रावेर परिसरात बेकायदेशीर मांस विक्री करणाऱ्यांवर पोलिसांकडून पुढेही कडक कारवाई करण्यात येणार असल्याचा इशारा देण्यात आला आहे.