🚨🍶 नगरदेवळ्यात पोलिसांची मोठी कारवाई! ६ हातभट्ट्या उद्ध्वस्त 👮‍♂️🔥

SARDAR NETWORK 24×7 – DAINIK LATEST NEWS (सच आपकी जुबानी) पाचोरा तालुका प्रतिनिधी : ✍️ आबा सूर्यवंशी / सोनू परदेशी

नगरदेवळा परिसरात गावठी दारूच्या सेवनामुळे युवकांचे बळी जात असल्याच्या पार्श्वभूमीवर पोलिस प्रशासनाने अवैध दारू विक्रेते व उत्पादकांविरुद्ध कडक कारवाईची मोहीम हाती घेतली आहे. शुक्रवारी सुरू झालेल्या शोधमोहीमेत गावातील संशयित विक्रीस्थळांवर गस्त घालण्यात आली. आज सकाळी धरण परिसरात टाकलेल्या छाप्यात कच्चे-पक्के रसायन व तयार दारूसह सुमारे ₹१५ हजारांचा मुद्देमाल जप्त करण्यात आला.
छाप्यात जप्त रसायन जागेवरच नष्ट करण्यात आले असून ६ हातभट्ट्या जमीनदोस्त करण्यात आल्या. एका आरोपीस अटक करून त्याच्यावर कायदेशीर कारवाई करण्यात आली आहे.

⚠️ गावठी दारूमुळे तरुणांचे बळी

नगरदेवळा गावात गेल्या काही वर्षांत गावठी दारूमुळे अनेक तरुणांचा मृत्यू झाल्याच्या घटना समोर आल्या आहेत. कमी पैशांत जास्त नशा मिळत असल्याने तरुण पिढी व्यसनाधीन होत असून अनेक कुटुंबांचे संसार उद्ध्वस्त होत असल्याची खंत ग्रामस्थांनी व्यक्त केली आहे.

दि. १३ फेब्रुवारी रोजी गावातील एका तरुणाचा मृत्यू झाल्यानंतर कुटुंबीयांनी त्याचा मृत्यू गावठी दारूमुळेच झाल्याचा आरोप केला होता. यानंतर माजी उपसरपंच विलास भामरे यांनी पोलिस प्रशासनाकडे दारूबंदीबाबत जाब विचारत कठोर कारवाईची मागणी केली होती. “आणखी किती बळी गेल्यावर प्रशासन जागे होणार?” असा सवालही त्यांनी उपस्थित केला होता.

👮‍♂️ पोलिसांची कारवाई कशी झाली?

दि. १५ रोजी सकाळी पोलीस उपनिरीक्षक योगेश गणगे यांच्या मार्गदर्शनाखाली सहाय्यक फौजदार निवृत्ती मोरे, पोलीस हेड कॉन्स्टेबल हरीश अहिरे, दिनेश पाटील, वैभव पाटील, मजीद पठाण यांच्या पथकाने गुप्त बातमीदाराच्या मदतीने धरण परिसरात छापा टाकला.

या कारवाईत –

✔️ कच्चे व पक्के रसायन जप्त
✔️ दारू निर्मितीसाठी लागणारे साहित्य नष्ट
✔️ ६ हातभट्ट्या उद्ध्वस्त
✔️ एक आरोपी अटक
अशी ठोस पावले उचलण्यात आली.

🗣️ “अवैध धंद्यांवर करडी नजर” – पोलिस

पोलीस उपनिरीक्षक योगेश गणगे यांनी सांगितले की, नगरदेवळा कार्यक्षेत्रात अवैध दारूविक्री व उत्पादनावर करडी नजर ठेवण्यात येणार आहे. यापुढेही अशा बेकायदेशीर धंद्यांवर कठोर कारवाई करून गुन्हे दाखल केले जातील.

📢 जनआंदोलनाचा इशारा

गावठी दारूचे संपूर्ण उच्चाटन न झाल्यास जनआंदोलन उभारण्याचा इशारा स्थानिकांनी दिला आहे. पोलिसांच्या या कारवाईनंतर गावात समाधानाची भावना असली तरी अवैध दारू निर्मिती कायमची बंद होईल का, याकडे सर्वांचे लक्ष लागले आहे.

📲 पाचोरा तालुक्यातील गुन्हेगारी व सामाजिक घडामोडींसाठी वाचा – Dainik Latest News