🔥🚨 वरणगावात गॅस गोडाऊन फोडून ५८ सिलेंडर लंपास; तब्बल ₹७४,१२४ चा ऐवज चोरीला! 🚨🔥

SARDAR NETWORK 24×7 – DAINIK LATEST NEWS (सच आपकी जुबानी) भुसावळ तालुका प्रतिनिधी : ✍️📍 (वरणगाव ता. भुसावळ) | इम्रान खान

वरणगाव येथील भारत गॅस कंपनीअंतर्गत रोहन गॅस एजन्सीच्या गोडाऊनमधून तब्बल ₹७४,१२४ किंमतीचे ५८ भरलेले गॅस सिलेंडर चोरीला गेल्याची धक्कादायक घटना गुरुवार (ता. २६) रोजी सकाळी उघडकीस आली. अज्ञात चोरट्यांनी मध्यरात्रीच्या सुमारास गोडाऊनचे कुलूप तोडून ही चोरी केल्याने परिसरात खळबळ उडाली आहे.

🏭 घटना नेमकी कुठे?

मुक्ताईनगर–वरणगाव महामार्गावरील लाल माती शिवारात, वरणगाव पोलीस स्टेशन हद्दीत भारत गॅस कंपनीच्या रोहन गॅस एजन्सीचे गोडाऊन आहे. अतिरिक्त सिलेंडरचा साठा येथे ठेवण्यात येतो.

💰 ५८ भरलेले सिलेंडर चोरीला

फिर्यादी नरेंद्र उत्तमराव अहिरे (रा. भुसावळ) यांनी दिलेल्या माहितीनुसार, प्रति सिलेंडर ₹१,२७८ प्रमाणे एकूण ५८ भरलेले सिलेंडर चोरट्यांनी लंपास केले. एकूण चोरीचा ऐवज ₹७४,१२४ इतका आहे.

🎥 सीसीटीव्ही बंद, सुरक्षा रक्षक नाही!

विशेष म्हणजे, गोडाऊनवर गेल्या दोन वर्षांपासून सुरक्षा रक्षक नसल्याचे समोर आले आहे. तसेच सीसीटीव्ही कॅमेरेही बंद असल्याचा फायदा घेत चोरट्यांनी डल्ला मारल्याची शक्यता व्यक्त केली जात आहे.

या निष्काळजीपणामुळे गॅससारख्या धोकादायक वस्तूंच्या साठ्यावर प्रश्नचिन्ह उपस्थित झाले आहे.

👀 चोरी कशी उघडकीस आली?

गुरुवार (ता. २६) सकाळी सुमारे ८.३० वाजता गोडाऊन किपर शंकर किसन सुरवाडे (रा. सिद्धेश्वर नगर, वरणगाव) व कर्मचारी अभिलाष बावस्कर हे सिलेंडर घेण्यासाठी गोडाऊनवर गेले असता कुलूप तुटलेले दिसले. आत तपासणी केली असता सिलेंडर चोरीला गेल्याचे लक्षात आले.

यानंतर एजन्सीचे संचालक नरेंद्र अहिरे यांनी वरणगाव पोलिसांत फिर्याद दिली असून गुन्हा दाखल करण्यात आला आहे.

🚔 पोलिसांची चौकशी सुरू

वरणगाव पोलीसांनी अज्ञात चोरट्यांविरुद्ध गुन्हा नोंदवून तपास सुरू केला आहे. परिसरातील हालचाली, संशयितांची माहिती तसेच महामार्गावरील सीसीटीव्ही फुटेज तपासले जात असल्याची माहिती सूत्रांकडून मिळाली आहे.

⚠️ गॅस सिलेंडर चोरीचा वाढता धोका?

गॅस सिलेंडर हा ज्वलनशील पदार्थ असल्याने त्याची चोरी ही केवळ आर्थिक गुन्हा नसून सुरक्षेच्या दृष्टीनेही गंभीर बाब मानली जाते. त्यामुळे या प्रकरणातील आरोपींचा लवकरात लवकर शोध घेण्याची मागणी नागरिकांकडून होत आहे.

📢 या घटनेमुळे वरणगाव परिसरात सुरक्षेच्या उपाययोजनांबाबत चर्चा सुरू झाली असून पोलिसांकडून कठोर कारवाईची अपेक्षा व्यक्त होत आहे.