🔎👧 ८ वर्षांनंतर गवसली आशेची किरण! AI तंत्रज्ञानाच्या मदतीने अपहृत ९ वर्षीय मुलीचा शोध

SARDAR NETWORK 24×7 – DAINIK LATEST NEWS (सच आपकी जुबानी) जळगाव तालुका प्रतिनिधी : ✍️📍

जळगाव जिल्ह्यातील अनैतिक मानवी वाहतूक प्रतिबंधक कक्ष (AHTU) ने तब्बल ८ वर्षांपूर्वी अपहृत झालेल्या ९ वर्षीय अल्पवयीन मुलीचा शोध लावून उल्लेखनीय कामगिरी बजावली आहे. २०१८ मध्ये एम.आय.डी.सी. पोलीस ठाणे हद्दीत गुन्हा क्रमांक ३५९/२०१८ अंतर्गत भादंवि कलम ३६३ व ३७० नुसार नोंद झालेल्या या प्रकरणाचा अखेर उलगडा झाला आहे. 👏

📂 प्रलंबित गुन्ह्यांचा आढावा घेताना धागा सापडला

जिल्ह्यात गेल्या चार महिन्यांहून अधिक काळ शोध न लागलेल्या अपहृत मुला-मुलींच्या प्रकरणांचा सखोल आढावा घेत असताना अनेक प्रकरणे आदिवासी समाजातील असल्याचे समोर आले. या पार्श्वभूमीवर पोलीस यंत्रणेने विशेष मोहीम हाती घेतली.

पोलीस अधीक्षक महेश्वर रेड्डी, अपर पोलीस अधीक्षक नखाते, पोलीस उपअधीक्षक अरुण आव्हाड यांच्या मार्गदर्शनाखाली AHTU कक्षाचे प्रभारी सर्पोनि/हरीदास बोचरे, पोउपनिरी/दिनेश बडगुजर, श्रेपोउपनिरी/रवि पाटील यांच्या नेतृत्वाखाली पथकाने गोपनीय बातमीदारांच्या माध्यमातून तपास सुरू केला. 🔍

🎉 होळीच्या बाजारात संशय, AI तंत्रज्ञानाने दिला पुरावा

होळी निमित्ताने कर्जाणे (ता. चोपडा) येथे भरलेल्या भोंगन्या बाजारात १५-१६ वर्षांची एक मुलगी एकटी दिसून आली. तिच्याकडे स्वतःचे नाव व पत्ता सांगण्याची माहिती नव्हती. सुरुवातीला तिचा फोटो प्रलंबित प्रकरणांशी जुळत नव्हता.

यानंतर AHTU पथकाने आधुनिक AI आधारित ‘एज-प्रोग्रेशन’ तंत्रज्ञानाचा वापर करून २०१८ मधील अपहृत मुलींचे अद्ययावत (वयानुसार बदललेले) फोटो तयार केले. या प्रक्रियेद्वारे एका मुलीची चेहरेखुडी २०१८ च्या अपहृत ९ वर्षीय मुलीशी जुळत असल्याचे स्पष्ट झाले. 🤖📸

👮‍♂️ गोपनीय कारवाईतून मुलगी सुरक्षित

वरिष्ठांच्या परवानगीनंतर तात्काळ तपास पथक रवाना करण्यात आले. पथकात पोउपनिरी/दिनेश बडगुजर, सर्फी/विठ्ठल फुसे, पोहेकॉ/दिपक पाटील, मपोहेकॉ/मनिषा पाटील, पोहेकॉ/किरण धनगर, सर्फी/सलीम शेख यांचा समावेश होता.

गोपनीय आणि नियोजनबद्ध कारवाईनंतर मुलगी सुरक्षितपणे शोधण्यात आली. ओळख निश्चित झाल्यानंतर तिला पुढील कायदेशीर कार्यवाहीसाठी एम.आय.डी.सी. पोलीस ठाण्याच्या ताब्यात देण्यात आले आहे. ✅

🌟 पोलिसांच्या अथक प्रयत्नांना यश

८ वर्षांनंतर अपहृत मुलीचा शोध लागल्याने जळगाव पोलिसांच्या तपास कौशल्याची आणि तांत्रिक तयारीची पुन्हा एकदा प्रचिती आली आहे. आधुनिक तंत्रज्ञानाचा प्रभावी वापर करून प्रलंबित गुन्ह्याला न्याय मिळवून देण्यात AHTU पथक यशस्वी ठरले आहे.

📢 नागरिकांकडून या कार्यवाहीचे कौतुक होत असून, हरवलेल्या मुला-मुलींच्या शोधासाठी पोलिसांनी सुरू केलेली ही मोहीम आशेचा किरण ठरत आहे.