🛕🚆 आचार्य विद्यासागर महाराजांच्या द्वितीय समाधी दिनानिमित्त मुंबई ते शिखरजी विशेष रेल यात्रा; 1008 भाविकांना लाभ 🙏

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ | तालुका प्रतिनिधी : इम्रान खान

आचार्य भगवन 108 विद्यासागर जी महाराज यांच्या द्वितीय समाधी दिनानिमित्त विद्या समय संस्कार सेवा फाऊंडेशन, मुंबई यांच्या वतीने मुंबई ते सम्मेद शिखरजी (पारसनाथ पर्वत) येथे विशेष वातानुकूलित रेल यात्रेचे आयोजन करण्यात आले होते. या धार्मिक यात्रेला मोठा प्रतिसाद मिळाला असून देशभरातील 1008 जैन धर्मीय भाविकांनी या पवित्र यात्रेचा लाभ घेतला.

जैन धर्मातील अत्यंत पवित्र व ऐतिहासिक स्थळ असलेल्या सम्मेद शिखरजी या ठिकाणी जैन धर्मातील 24 पैकी 20 तीर्थंकरांना मोक्ष प्राप्त झाल्याचे मानले जाते, त्यामुळे हे स्थान जैन धर्मीयांसाठी सर्वात पवित्र व शाश्वत सिद्ध क्षेत्र मानले जाते. त्यामुळे या यात्रेला धार्मिक दृष्ट्या विशेष महत्त्व आहे.

🙏 पहिल्यांदाच शिखरजी यात्रेचा लाभ

या विशेष रेल यात्रेत महिला, पुरुष, लहान मुले तसेच वयोवृद्ध भाविक मोठ्या संख्येने सहभागी झाले होते. विशेष म्हणजे अनेक भाविकांनी आपल्या आयुष्यात प्रथमच शिखरजी यात्रा करण्याचा योग या माध्यमातून साधला, त्यामुळे भाविकांमध्ये प्रचंड उत्साह आणि भक्तिभाव पाहायला मिळाला.

💎 गुप्त दानातून संपूर्ण यात्रेचा खर्च

या सात दिवसीय धार्मिक यात्रेची एक अत्यंत विशेष बाब म्हणजे, संपूर्ण यात्रेतील प्रवास, भोजन, निवास, धार्मिक कार्यक्रम व इतर सर्व व्यवस्थेचा खर्च एका गुरुभक्त श्रावक परिवाराने गुप्त दानाच्या स्वरूपात उचलला होता.

या उदात्त कार्यामुळे शेकडो भाविकांना कोणत्याही आर्थिक अडचणीशिवाय या पवित्र यात्रेचा लाभ घेता आला.

🚉 भुसावळ रेल्वे स्थानकावर भाविकांचे उत्स्फूर्त स्वागत

यात्रेवरून परतल्यानंतर भुसावळ रेल्वे स्थानकावर यात्रेकरूंचा सत्कार व अनुमोदना समारोह आयोजित करण्यात आला, यावेळी भाविकांची मोठी गर्दी झाली होती.

या प्रसंगी यात्रा आयोजन समितीचे प्रमुख कार्यकर्ते राजेंद्रजी सेठी तसेच इतर पदाधिकारी उपस्थित होते.

तसेच भुसावळ दिगंबर जैन समाजाचे

अजय कासलीवाल
चेतन जैन हेमावत
शीतल जैन
आदिनाथ वास्कर
प्रदीप गोसावी
कुणाल वास्कर
जितेंद्र जैन
मीना जैन
अमोल वास्कर

यांच्यासह भुसावळ ट्रस्टी बोर्डाचे सदस्य मोठ्या संख्येने उपस्थित होते.

✨ या पवित्र यात्रेमुळे भाविकांना अध्यात्मिक समाधान मिळाले असून समाजात धार्मिक एकात्मता आणि सेवा भावाचे उत्कृष्ट उदाहरण निर्माण झाले, अशी भावना उपस्थितांनी व्यक्त केली.