🚨🕉️ सिंहस्थ कुंभमेळ्यात महिला सुरक्षेला सर्वोच्च प्राधान्य! 🧑

SARDAR NETWORK 24×7 – DAINIK LATEST NEWS (सच आपकी जुबानी) नाशिक प्रतिनिधी : ✍️📍 वृत्तसेवा

नाशिक-त्र्यंबकेश्वर येथे पुढील वर्षी होणाऱ्या सिंहस्थ कुंभमेळ्याच्या पार्श्वभूमीवर महिला भाविकांच्या सुरक्षेसाठी सर्वतोपरी उपाययोजना करण्याच्या स्पष्ट सूचना विधान परिषदेच्या उपसभापती डॉ. नीलमताई गोऱ्हे यांनी दिल्या.

नाशिक परिक्षेत्र विशेष पोलिस महानिरीक्षक कार्यालयात त्यांच्या अध्यक्षतेखाली आयोजित बैठकीत त्या बोलत होत्या.

🏛️ वरिष्ठ अधिकाऱ्यांची उपस्थिती

बैठकीस विशेष पोलिस महानिरीक्षक दत्तात्रय कराळे, कुंभमेळा विकास प्राधिकरणाचे अतिरिक्त आयुक्त सौरिश सहाय, अपर पोलिस अधीक्षक आदित्य मिरखेलकर (नाशिक ग्रामीण), पोलिस उपायुक्त किरणकुमार चव्हाण (नाशिक शहर), सहसंचालक योगेंद्र चौधरी, तहसीलदार अमोल निकम आदी उपस्थित होते.
धुळे, जळगाव, नंदुरबार आणि अहिल्यानगर जिल्ह्यांचे पोलिस अधीक्षक दूरदृश्य प्रणालीद्वारे बैठकीत सहभागी झाले.

👩‍🦰 महिला भाविकांसाठी विशेष सुविधा

डॉ. गोऱ्हे म्हणाल्या की, सिंहस्थ कुंभमेळ्यात देश-विदेशातून मोठ्या संख्येने महिला भाविक येणार आहेत. त्यासाठी –

✔️ महिला मदत केंद्रे
✔️ ‘हिरकणी कक्ष’
✔️ स्वच्छतागृहांची पुरेशी व्यवस्था
✔️ दिव्यांगांसाठी विशेष सुविधा

यांची काटेकोर अंमलबजावणी करावी.

⚖️ महिला अत्याचार प्रतिबंधासाठी ठोस उपाय

🔹 तालुकास्तरावर ‘भरोसा सेल’ कार्यरत ठेवावेत
🔹 कौटुंबिक संरक्षण कायद्याची प्रभावी अंमलबजावणी
🔹 समेट झालेल्या कुटुंबांशी सातत्याने संपर्क
🔹 आवश्यकतेनुसार गृहभेटी
🔹 पोक्सो कायद्यान्वये दाखल गुन्ह्यांतील पीडितांचे समुपदेशन

याबाबत पोलिसांनी विशेष लक्ष द्यावे, असे निर्देश देण्यात आले.

🚆 रेल्वे व विद्यार्थिनींची सुरक्षा

रेल्वे प्रवासात महिलांशी संबंधित अप्रिय घटना टाळण्यासाठी रेल्वे प्रशासन व पोलिसांनी नियमित संवाद साधावा. विद्यार्थिनींच्या सुरक्षिततेसाठी रिक्षा व शालेय बसची प्रादेशिक परिवहन अधिकाऱ्यांच्या सहकार्याने नियमित तपासणी करावी, अशीही सूचना देण्यात आली.

🚫 अमली पदार्थांवर ड्रोनद्वारे कारवाई

विशेष पोलिस महानिरीक्षक दत्तात्रय कराळे यांनी सांगितले की, विभागातील पाचही जिल्ह्यांत महिला सुरक्षेसाठी विविध उपाययोजना सुरू आहेत. अमली पदार्थ प्रतिबंधासाठी ड्रोनच्या सहाय्याने कारवाई करण्यात येत असून मोठ्या प्रमाणात जप्तीही करण्यात आली आहे.

आगामी सिंहस्थ कुंभमेळ्यात महिलांच्या सुरक्षेला सर्वोच्च प्राधान्य देण्यात येणार असून कुंभमेळा विकास प्राधिकरणाच्या सहकार्याने व्यापक नियोजन केले जात असल्याचे त्यांनी स्पष्ट केले.

🕊️ सुरक्षित व सुव्यवस्थित कुंभमेळ्याचा संकल्प

आगामी सिंहस्थ कुंभमेळा सुरक्षित, सुव्यवस्थित आणि महिला अनुकूल व्हावा यासाठी प्रशासन सज्ज असल्याचे चित्र बैठकीतून स्पष्ट झाले.

📲 नाशिक विभागातील महत्वाच्या प्रशासकीय घडामोडींसाठी वाचा – Dainik Latest News