🕉️🚩 अकलूद येथे शिवभक्तांसाठी अध्यात्मिक पर्व!

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ | तालुका प्रतिनिधी – इम्रान खान

भुसावळजवळील अकलूद (सावदा–फैजपूर रोड परिसर) येथे सुप्रसिद्ध शिवमहापुराण कथा वाचक पंडित प्रदीपजी मिश्रा यांच्या शिवमहापुराण कथेनिमित्त १० मार्च ते १६ मार्च दरम्यान भव्य धार्मिक कार्यक्रमांचे आयोजन करण्यात आले आहे. या कार्यक्रमाच्या पार्श्वभूमीवर प्रजापिता ब्रह्मकुमारी ईश्वरीय विद्यालय सेवा केंद्र, भुसावळ यांच्या वतीने विशेष अध्यात्मिक प्रदर्शनी, सहस्र शिवलिंग दर्शन आणि विविध आध्यात्मिक उपक्रमांचे आयोजन करण्यात आले आहे.

🕉️ अध्यात्मिक प्रदर्शनी व सहस्र शिवलिंग दर्शन

या कार्यक्रमात अध्यात्मिक प्रदर्शनी, मनोरंजनात्मक खेळ, ड्रामा शिवप्रदर्शन तसेच सहस्र शिवलिंग दर्शन यांसारखे आकर्षक उपक्रम ठेवण्यात आले आहेत. तसेच मनःशांतीसाठी आत्मा आणि परमात्मा, परमात्म्याचे अवतरण यासारख्या विषयांवर आधारित मार्गदर्शन व सादरीकरणही करण्यात येणार आहे.

या कार्यक्रमाची वेळ दररोज सायंकाळी ५ ते रात्री १० वाजेपर्यंत ठेवण्यात आली असून, शिवभक्तांसह सर्व नागरिकांना या आध्यात्मिक उपक्रमांचा लाभ घेण्याचे आवाहन करण्यात आले आहे.

🙏 नागरिकांना भेट देण्याचे आवाहन

प्रजापिता ब्रह्मकुमारी सेवा केंद्राच्या प्रमुख संचालिका राजयोगिनी बी.के. सिंधू दीदी यांनी सर्व शिवभक्त व नागरिकांना या कार्यक्रमास उपस्थित राहून ड्रामा शिवप्रदर्शन, अध्यात्मिक प्रदर्शनी आणि सहस्र शिवलिंग दर्शनाचा लाभ घ्यावा, असे आवाहन केले आहे.

🤝 आयोजनासाठी अनेक कार्यकर्त्यांची मेहनत

या कार्यक्रमाच्या यशस्वी आयोजनासाठी बीके ज्योती दीदी, बीके कविता दीदी यांच्यासह नाना पाटील सर, अनिल भाई, भरत भाई, रितेश वारके, स्वप्निल भाई, महेश भाई, भागवत भाई, कुकरेजा भाई, प्रभाकर भाई आदी कार्यकर्ते परिश्रम घेत आहेत.

या निमित्ताने नागरिक, माता-भगिनी तसेच शिवभक्तांनी सेवा केंद्राच्या या उपक्रमाला भेट देऊन अध्यात्मिक अनुभव घ्यावा, असे आवाहन आयोजकांनी केले आहे.