🌸 मुक्ताईनगर यात्रा महोत्सवासाठी सज्जता सुरू! 🚨 आमदार चंद्रकांत पाटील यांच्या अध्यक्षतेखाली नियोजन बैठक

SARDAR NETWORK 24×7 – DAINIK LATEST NEWS (सच आपकी जुबानी) मुक्ताईनगर तालुका प्रतिनिधी : ✍️ सुभाष भोंबे

मुक्ताईनगर येथे दरवर्षीप्रमाणे यंदाही दि. 13 ते 17 फेब्रुवारी दरम्यान आदिशक्ती श्री संत मुक्ताबाई व योगराज चांगदेव महाराज यांचा यात्रा शो व महोत्सव मोठ्या भक्तिभावात साजरा होणार आहे. या यात्रा महोत्सवाच्या पूर्वतयारी व नियोजनासाठी दि. 2 फेब्रुवारी रोजी मुक्ताईनगर तहसील कार्यालयात आमदार चंद्रकांत पाटील यांच्या अध्यक्षतेखाली आढावा बैठक पार पडली.

या बैठकीस प्रांत अधिकारी जितेंद्र पाटील, तहसीलदार गिरीश वखारे, संत मुक्ताबाई संस्थानचे अध्यक्ष रवींद्र पाटील यांच्यासह विविध विभागांचे अधिकारी व पदाधिकारी उपस्थित होते.

📌 रस्ता रुंदीकरण ते पथदिवे — आमदारांच्या महत्त्वाच्या सूचना

बैठकीत आमदार चंद्रकांत पाटील यांनी भाविकांच्या सोयीसाठी अनेक महत्त्वाच्या सूचना केल्या. त्यामध्ये —

👉 मेहून ते चांगदेव मंदिराकडे जाणाऱ्या रस्त्याचे रुंदीकरण करणे
👉 रस्त्यामध्ये दुकाने लावण्यास मनाई करणे
👉 कोथळी, मुक्ताईनगर, मेहून तसेच चांगदेव येथील मंदिराकडे जाणाऱ्या रस्त्यावरील पथदिवे तात्काळ सुरू करणे
👉 नवीन मुक्ताई दिंडी मार्गावर पथदिव्यांची व्यवस्था करणे
👉 भाविकांसाठी पिण्याच्या पाण्याचे टँकर, शौचालय व योग्य ठिकाणी वाहन पार्किंगची सोय उपलब्ध करून देणे

अशा स्पष्ट सूचना त्यांनी प्रशासनाला दिल्या.

🚫 घाटावर दुकाने नको — तहसीलदारांचे निर्देश

चांगदेव मंदिराजवळील घाटावर भाविक मोठ्या प्रमाणात स्नानासाठी गर्दी करत असल्याने, तेथील पायऱ्यांवर दुकाने लावू नयेत, असे स्पष्ट निर्देश तहसीलदार गिरीश वखारे यांनी दिले.

👮‍♂️ चारही मंदिराजवळ तात्पुरत्या पोलीस चौक्या उभारण्याची मागणी

संत मुक्ताबाई संस्थानचे अध्यक्ष रवींद्र पाटील यांनी —
✅ चारही मंदिर परिसरात तात्पुरत्या पोलीस चौक्या उभाराव्यात
✅ कोथळी मंदिराजवळ व लहान तुला परिसरात पोलीस बंदोबस्त ठेवावा
✅ चारही मंदिरांवरील मंडप उभारणीचा खर्च शासनाने करावा
अशी मागणी बैठकीत मांडली.

🏛️ विविध विभागांचे अधिकारी बैठकीला उपस्थित

या नियोजन बैठकीला —

गटविकास अधिकारी सपकाळे,
नगरपंचायतीचे मुख्य अधिकारी दीपक पुदाके,
कोथळीचे सरपंच नारायण चौधरी,
उद्धव महाराज, रामराव महाराज, ज्ञानेश्वर हरणे,
तसेच सार्वजनिक बांधकाम विभागाचे अभियंता प्रवीण बेंडकुळे
यांची उपस्थिती होती.

🛑 यात्रा काळात लाखो भाविक मुक्ताईनगर व चांगदेव येथे दाखल होत असल्याने, यंदा प्रशासनाकडून सुव्यवस्थित नियोजन व चोख बंदोबस्तावर विशेष भर देण्यात येणार आहे.