🌙🤝 रमजानमध्ये मानवतेचा सुंदर संदेश! दावत-ए-इस्लामीतर्फे

SARDAR NETWORK 24×7 – DAINIK LATEST NEWS (सच आपकी जुबानी)भुसावळ तालुका प्रतिनिधी : इम्रान खान

📍 भुसावळ : पवित्र रमजान महिन्याच्या पार्श्वभूमीवर गरजू आणि आर्थिकदृष्ट्या दुर्बल कुटुंबांना दिलासा देण्यासाठी दावत-ए-इस्लामी इंडियाच्या सामाजिक विभाग गरीब नवाज रिलीफ फाउंडेशन (GNRF) तर्फे विशेष रमजान राशन किट वितरण कार्यक्रम आयोजित करण्यात आला. या उपक्रमांतर्गत भुसावळ शहरातील १०० पेक्षा अधिक गरजू कुटुंबांना राशन किटचे वितरण करण्यात आले.

या राशन किटमध्ये रमजान महिन्यातील रोजा पाळणाऱ्या कुटुंबांसाठी उपयुक्त ठरणाऱ्या दैनंदिन आवश्यक खाद्यपदार्थांचा समावेश करण्यात आला होता. त्यामध्ये तांदूळ, पीठ, डाळ, साखर, चहा, खजूर, मसाले यांसारख्या जीवनावश्यक वस्तूंचा समावेश होता. त्यामुळे गरजू कुटुंबांना रमजान महिन्यात मोठा दिलासा मिळाला.

🤲 दानशूर व स्वयंसेवकांचे आभार

या प्रसंगी दावत-ए-इस्लामी हिंदचे जिल्हाध्यक्ष जुबेर अत्तारी यांनी या उपक्रमासाठी सहकार्य करणाऱ्या सर्व दानशूर व्यक्ती आणि स्वयंसेवकांचे मनःपूर्वक आभार व्यक्त केले. समाजातील गरजू घटकांना मदत करण्यासाठी संस्था भविष्यातही अशा प्रकारचे सामाजिक आणि मानवतावादी उपक्रम सातत्याने राबविणार असल्याचे त्यांनी सांगितले.

👥 स्वयंसेवकांची मेहनत

या कार्यक्रमाच्या यशस्वी आयोजनासाठी GNRF जळगाव जिल्हाध्यक्ष रफीक रोशन कादरी, शहर अध्यक्ष शोएब अत्तारी, अब्दुल सईद, साबिर मनियार, युसुफ खान, अझहर कादरी, जहांगीर शेख आणि हाफिज कासिम यांनी विशेष परिश्रम घेतले.

📌 रमजानच्या पवित्र महिन्यात गरजू कुटुंबांना मदतीचा हात देत दावत-ए-इस्लामी व GNRF ने समाजात मानवतेचा आणि बंधुत्वाचा आदर्श संदेश दिला आहे.